Pa di 12 aña consecutivo e evento di benta di auto mas spera di Aruba

ORANJESTAD, Aruba – 26 di augustus 2016: Pa di 12 aña consecutivo, Aruba Bank ta presenta e evento di benta di auto mas grandi di Aruba “MegaMATCH Car Sale Event”. E oportunidad pa abo cumpra e auto cu bo a desea desde mucha ta inicia dia 25 di augustus y ta culmina dia 10 di september 2016 cu e evento mas spera, unda clientenan por finalisa compra di nan auto nobo, via un prestamo di Aruba Bank.
E aña aki Aruba Bank ta organisa “MegaMATCH” cu lo tuma luga riba parkeerplaats di e edificio principal di Aruba Bank situa na Camacuri diasabra dia 10 di september cuminsando for di 6:00pm pa 9:00pm. Tur agencia di auto y motorcycle lo ta presente.
Cumpra bo auto of motorcycle cu un prestamo di Aruba Bank, cu “0” downpayment y un periodo pa paga bek cu por bay te cu 7 aña, dependiendo di e prijs di e vehiculo. Tur esaki combina cu un interes atractivo di solamente 7% (interes effectivo ta varia entre 7.11% – 7.18%), Aruba Bank ta sigur cu clientenan lo haya e auto di nan soño na un oferta cu ta cumbini nan. Ademas, e cliente tin e opcion pa cumpra awor y cuminsa paga 6 luna despues, esta te cu maart 2017!
Aruba Bank ta invita clientenan cu kier haci e proceso mas lihe, pa aplica online riba
mega-car-sale.arubabank.com, akinan lo jena informacion di cliente cu lo genera un “MegaMATCH pre-approved Voucher” cu lo Match e suma di bo budget. Cu e “MegaMATCH pre-approved Voucher” aki bo por bishita cualquier agencia cu lo yudabo Match e auto cu e suma ariba bo “Voucher”.