Ku un tremendo koreografia huntu ku grupo di baile D’Art  e shete tesoronan di laman a duna inisio na e gran evento aki ku un toke di Hawaii. Den e di dos presentashon e beyesanan a lusi trahenan di baño uniformá di Atelier Valeria Costa ku mester remarká ku den e segmento aki por a atmirá e bunita silueta di e kandidatanan ku sigur a hasi un bunita trabou riba pasarela. Finalmente e parti ku un i tur tabata spera trahe di baño fashionista, a kaba di pone e toke speshal ku a resultá den un tremendo kulminashon di e evento aki, ku trahenan ku fantasia i kreashonnan espektakular.

Un kuerpo di hurado kalifiká tabatin e difísil tarea pa skohe esnan ku mas a destaká riba e atardi aki, despues di e showtime di Mason a yega na e siguiente resultado.

Best Fashionista Swimwear; Kandidata #1, Chanelle de Lau

Di dos Finalista; Kandidata #4, Kim Martina

Promé finalista; Kandidata #3, Sabrina Namias de Crasto

Miss Playa 2016; Kandidata #1, Chanelle de Lau

Prome ku a menshoná e resultado final, MC a diskulpa nos Miss Playa 2015, Kanisha Sluis ku pa motibu di estudio ta den eksterior.