Hoben, bo ta cla p’e accion comunitario mas awesome na Aruba?

Aruba Bank ta presenta su di shete (7) edicion di Good4theNeighborhood, e iniciativa comunitario cu for di su prome aña a pone su stempel y a laga un impacto hopi grandi riba e hobennan cu a participa. Mientras cu e enfoke ta keda riba liderazgo, “teambuilding”, respet, pasion, disciplina y otro virtudnan cu Aruba Bank ta desea di promove entre hubentud, e biaha aki ta lansa Good4theNeighborhood Sport edition, cu un accento riba bienestar fisico y mental, salud y desaroyo di nos comunidad.

Den cuadro di Aruba Bank su lazonan amplio cu deporte, atraves di patrocinio di numeroso clubnan deportivo, actividad y eventonan,  equiponan, y mas recien e reconocemento como “E Partner Oficial di Comite Olimpico Arubano”, Aruba Bank ta enfoca pa motiva nos hobennan pa beneficia di actividad fisico, cu ta contribui cu bienestar di e curpa, mente y spirito.

E meta pa e aña aki ta pa crea un proyecto cu ta logra motiva comunidad pa “move”, esta pa ta fisicamente activo. Aruba Bank ta hasi un yamada na tur scol secundario cu ta desea di participa e aña aki pa inscribi via e website https://g4n.arubabank.com/ prome cu 2 di septemebr 2016.

Good4theNeighborhood Sport Edition ta On!