Djabierne ultimo Floris Suite Hotel a selebra su 15 anja di eksistensha.  Ku aktuashon di DJ Boogieman i AXL & Friends, durante e anochi aki  por a bebe champagne y disfruta di sabroso snacks gratis pa un ora largu ku a kulmina den un anochi exitoso. Mas o menos 300 hende a bini huntu rondo di e pisina pa selebra e akto memorabel  aki.

Frank Holtslag, General Manager di Floris Suite Hotel a jama bon bini na tur invitado I un palabra di gradisimento na tur huespetnan, personal i muy en espesial e personal ku riba 18 agosto a hasi 15 anja den servisio.

Floris Suite Hotel ta un di e prome Hotelnan ku a wordu konstrui den Piscadera Baai, Willemstad Curaçao. Floris Suite Hotel a wordu konstrui den anja 1969. E Hotel tabata  propiedat di Arthur Frommer.

Den pasado  e Hotel aki tabata e famoso Hotel Arthur Frommer. Despues di un par di anja e nomber a kambia pa Las Palmas Hotel. Despues e Hotel a hanja e nomber Floris Suite Hotel.  Floris Suite Hotel tabata propiedat di e negoshante  Hulandes Piet Grouwels,  pero na anja 2008 e a bende  e Hotel ku  e Grupo Merikano Lionstone di e familia Lowenstein na Miami.

Na anja 2012 a disidi pa sigi bow di un otro concepto. Esta : ″Adulto  So″. Esaki ta nifika ku huespetnan for di 18 anja ta bon bini den e Hotel. E ta tambe  un Hotel prominente  pa e huespetnan LGBT den e area Caribe. Asina ki e Hotel ta organisa tur djabierne Rainbow Lounge I e evento anual Curacao Pride.