Awor ku dòbel Fun Miles i chèns pa gana un bòn di regalo

WILLEMSTAD – For di awor por troka i tambe spar Fun Miles na The Trader, Fort Nassau i Brakkeput Mei Mei, tres negoshi popular den hospitalidat i evento. Esaki ta un notisia masha speshal, paso ku organisashon di un evento manera un kasamentu, awor miembronan di Fun Miles por spar (of troka) hopi Fun Miles den un halá. Pa selebrá e kolaborashon nobo, e tres negoshinan tur ta rifa un bòn di regalo i tambe ta duna dòbel Fun Miles si un kliente reservá su fiesta pa fin di aña òf aña nobo na tempu.

 

THE TRADER: CATERING, EVENTO I FUN

Pa mas ku 25 aña kaba, The Trader ta é nòmber renombrá pa catering i evento, di fiesta privá te ku eventonan komersial grandi. E empresa tambe ta inkluí The Trader Restaurant na WTC, un lugá konosí pa lùnch di negoshi. Tantu na The Trader Party Services komo na The Trader Restaurant awor por spar i troka Fun Miles.

LANDHUIS BRAKKEPUT MEI MEI: FUN PA HENTER FAMIA

Landhuis Brakkeput Mei Mei no ta solamente un dushi restorant ku un bon ambiente, pero tambe ideal pa evento i fiesta pa mucha (ku kurá di hunga i kampo di midget golf). Tabata posibel kaba pa troka Fun Miles na Brakkeput Mei Mei i awor tambe ta posibel pa spar nan.

FORT NASSAU: E BISTA TA MES DUSHI KU E PLATONAN

Fort Nassau ta konosí komo un bunita i dushi lugá pa lùnch i sena ku un bista úniko. Ademas Fort Nassau ta ideal pa eventonan di negoshi i fiesta inolvidabel. I awor ku e posibilidat pa troka í spar Fun Miles.

GANA BÒN DI REGALO I RISIBÍ DÒBEL FUN MILES

Fort Nassau, Brakkeput Mei Mei i The Trader kada un ta rifa un bòn di regalo di 200 Florin. Tur esnan ku spar òf troka Fun Miles promé ku fin di òktober 2016 ta partisipá outomátikamente. Ademas e tres negoshinan tur tin un spèshel di fiesta: reservá un fiesta pa fin di aña òf aña nobo promé ku fin di òktober i risibí dòbel Fun Miles.

MAS INFORMASHON TOKANTE FUN MILES?

Tuma kontakto ku Fun Miles su sentro di kliente na 465 3300 òf bishitá funmiles.net òf facebook.com/funmiles.