For di 19 di Ougustus , E aerolínea lo konta ku 2 vuelo direkto pa I for di Santo Domingo, riba djaluna, djárason, djabièrnè y djadumingu

Willemstad, 9 di Ougustus 2016, Pawa Dominicana a anunsiá su skema nobo di servisio na pueblo di Korsou kual ta inkluí dos (2) vuelo dirèkt riba djaluna, djárason, djabièrnè, y djadumingu, pa I for di Santo Domingo, mustrando su kompromiso di ofresé su klientenan un mihó konekshon ku tur pais den Karibe I oumentá e posibilidat di konekshon ku sobra kontinente.

For di 19 di Ougustus, pueblo di Korsou lo tin akseso na 2 vuelo dirèkt pa Santo Domingo, saliendo 7:45 a.m y 3:30 pm.; I vuelonan saliendo Santo Domingo 10:00 a.m I 6:00 p.m.

E oumento den frekuensia di vuelo lo benefisiá su pasaheronan ku salida y regreso riba mesun dia, poniendo atenshon riba puntualidat, kual a jega di alkansá un nivel superior na 93 %, loke ta representá un faktor di diferensiá. Nos ta kontentu y tin hopi motibu pa selebrá.  14 di Ougustus nos lo kumpli nos promé aña di operashon  y e kambionan menshoná, no solamente ta ratifiká nos kompromiso di hasi Repúblika Dominikana e HUB den Karibe, dunando un mihó y mas efektivo konekshon den region, sino tambe sigui amplia e bentahanan turístiko di nos destino I su oportunidat den interkambionan komersial, sigun Daniel Castillo direktor komersial.

Na Febrüari , Pawa Dominicana a anunsiá su servisio di kargo aéreo pa I for di tur destino den Karibe ku aktualmente e kompania ta operá. E implementashon aki ta parti di e kompromiso ku e kompania ta asumí pa kresementu di ekonomia y di krea eksportashon den e destinonan ku e ta operá, alabes di yuda produktornan lokal I habri oportunidat ku otro merkadonan, sigun Sr. Castillo

Na e okashon , e direktor a informá ku Pawa Dominicana ta konta ku produktonan eksklusivo ku ta tuma na kuenta e nesesidat I e espektativa dje pasahero, sigun nan tipo di biahe: vakashon, edukashon, turismo di salu, spesialisá ( kompra, kasamentu, deportivo), entre otro.

Sigui fortalesé nos kompromiso na trese un servisio abordo di primera, enfoká riba e amabilidat I trato preferensial, segurando ku e eksperensia di e biahe di nos pasaheronan ta semper plasentero I sigun an ekspektativa, Sigun e Direktor komersial.

Tambe e la trese dilanti ku ya nan ta konta ku un “loyalty program” titular “Preference”, kual ta buska rekonosé y premia e fidelidat di su miembronan, dor di wòrdu akreditá ku “miles” pa por disfrutá di diferente bentaha y benefisio. E miembresia na “Preference” por wòrdu realisá  dor di un formulario ku ta disponibel na nos ofisinanan komersial y riba nos buelonan.

Klientenan di Pawa Dominicana lo por atkirí su ticket via nos wèpsait www.pawadominicana.com; na nan call center +599 9  788 7292; na nan ofisina na airport Hato +599 9 839 1217 I +599 9 839 1218 of via bo agensia di biahe di preferensia. Próksimamente, lo ta posibel tambe na nos ofisina komersial den sentro di siudat kual lo wòrdu inougurá pronto.

Aktualmente e aerolínea ta operá vuelonan dirèkt entre Santo Domingo, Repúblika Dominikana, Korsou, Aruba, Antigua, Habana Cuba, I St. Maarten I for di 19 di Ougutus lo inisiá operashon pa Port au Prince na Haiti, pa asina despues inkorporá San Juan, Puerto Rico, na òktober  I Miami den Novèmber.