Cu bo video of potret cu ta refleha calidad, durabilidad y confiabilidad

ORANJESTAD, Aruba – 15 di juli 2016: Tur persona por bira un “Toyota Journalist”, simplemente cu nan potret of video cu ta mustra y refleha e calidad, durabilidad y confiabilidad di vehiculonan marca Toyota.

Garage Cordia, como e agencia pa autonan di marca Toyota na Aruba, ta invita comunidad pa participa na e campaña “Toyota Journalist” cu oportunidad pa gana un trip pa Buenos Aires Dakar Rally 2017.

E campaña aki ta uno di caracter internacional y “periodistanan” di Aruba ta participa pa gana e premio di e region di Caribe, cual ta encera 9 otro isla. E campaña ta cuminsa riba dia 15 di juli y ta caba 30 di september proximo.

Participantenan por comparti nan video of potret cu ta refleha e calidad, durabilidad  y confiabilidad (na ingles Quality, Durability and Reliability – QDR) riba e website www.adntoyota.com of tambe por share e riba e pagina di Facebook di Cordia Aruba (www.facebook.com/CordiaAruba/.

E meta ta pa logra haya mas “like” y “share” posibel y asina logra bira un di e nominadonan pa e premio grandioso y unico, esta un trip pa presencia e Dakar Rally cu ta tuma luga na Buenos Aires, Argentina na 2017.

Pa promove e posting di e potret of video, por uza e referencianan (hashtags): #ToyotaJournalist, #Dakar2016, #ToyotaDakar y #ToyotaJournalistDakar. Tur persona interesa pa participa por lesa e reglanan di e campaña aki riba e website www.adntoyota.com. Esaki ta un oportunidad berdaderamente unico!