Willemstad – Habitantenan di fundashon HAMIËD e keda sumamente kontentu na momentu ku nan a haña e bunita notisia ku nan tambe por bai e konsierto “Hala Un Rosea”,  ku yudansa di ACOYA Hotel Suites & Villas.

Ku e bunita gesto aki Acoya ta yuda personanan ku malesa kroniko/mental i nos grandinan ku ta habita na e instituto Hamiëd pa nan por bai disfruta di un konsierto kombina ku show espektakular. Normalmente ta hopi difisil pa e personanan aki por bai presensia un konsierto di e magnitut aki den WTC sin yudansa finansiero.

Ku e gesto aki Acoya ta kontribui tambe ku e fundraising konsierto aki di Shamiro Anita pa e por desaroya den su musika kantando kantikanan ku mensahenan di Dios. Ahinda falta mas sponsors paso tin mas gruponan di hoben, hende grandi i personanan deshabilita institutonan manera SGR Groep, Sinta Ros, Bruder Pius, Bethesda, Habaai etc. ku tambe Shamiro ke yuda pa nan por bai presensia su Konsierto. Lo bai ta un anochi bendishona ku shownan espektakular pa henter famia disfrutá di dj’e, ku lo tuma luga djasabra 13 di augustus 2015 den e Exhibition Hall di WTC kuminsando 7.30 di anochi.

Shamiro ta yama danki na esnan a i ta dunando na aporte pa hasi e konsierto aki posibel i tambe ta gradisi su sponsornan. Karchinan ya ta obtenibel na Mensing, Tik Tak, Beep Beep, Kas di Beibel, 24 Uur Uit de Muur of via telefon 5622233.

Riba e potret por mira habibante i empleadonan di fundashon “HAMIËD” na momentu ku representante di Acoya Hotel & Suites ta entrega e karchinan dje konsierto “Hala Un Rosea”, den kompania di Shamiro Anita.