Willemstad – 21 di òktober 2013 – Empleado, famia i amigunan di CIBC FirstCaribbean Kòrsou, último djadumingu a partisipá na e edishon di 2013 di CIBC FirstCaribbean su kaminata dor di kayanan di Willemstad pa generá fondo i konsenshi pa e lucha kontra kanser.  E kaminata di e aña aki ta un kulminashon di vários aktividat dirigí riba empleadonan i nan famia pa krea fondo i konsenshi pa e kousa.  Di e forma aki e empleadonan di CIBC FirstCaribbean na Kòrsou a uni nan mes ku e otro 3.000 koleganan di e banko den paisnan kaminda banko ta operá rònt Karibe den e lucha kontra di kanser.  Lo hasi donashon di tur loke keda generá na Prinses Wilhelmina Fonds. CIBC FirstCaribbean, aña pasa, a organisá e kaminata aki, komo parti di su selebrashon di su di 10 aniversario.  E kompania madre di e banko na Canada, CIBC, ta den su di 17 aña komo patrosinadó prinsipal di Canadian Breast Cancer Foundation CIBC Run for the Cure.   E último aki a sirbi komo ehèmpel pa eventonan den Karibe.  Na 2012, un kantidat di 13.000 empleadonan di CIBC i nan famia i amigunan, formando parti di e tim di CIBC, a partisipá den e Canadian Breast Ancer Foundation CIBC Run for the Cure.  E tim di CIBC a kontribuí ku no ménos ku $3 mion atraves di kolekta, fundraising i kontribushonnan  danki na e CIBC Pink Collection™pa kompletá un total di $30 mion total den henter Canada den 2012. E tim di CIBC FirstCaribbean na Kòrsou, kanando e kaminata a logra generá konsenshi i fondo atraves di vários aktividat ku nan a tene dirigí riba e empleadonan di e banko i nan famia.  Un di aktividatnan ku a keda organisá tabata e djabièrnènan riba kua esnan ku jeans bisti riba djabièrnè a kontribuí tambe ku un donashon chikí na e kousa.  Otro aktividatnan a inkluí desayuno, almuerso ku pasta, benta di kos dushi lokal.  E aktividatnan aki no tabata únikamente dirigí pa generá fondo pero tambe pa krea un konsenshi pa kousa banda di kalentá e empleadonan, nan famia i amigunan pa partisipá na e kaminata ku a tuma lugá djadumingu último dor di kayanan di Willemstad. Di akuerdo ku Sra. Lorry van Ooijen di Prinses Wilhelmina Fonds: “Nos ta masha kontentu ku e koperashon ku empleadonan, famia i amigunan di CIBC FirstCaribbean.  Nos fundashon ta apresiá e esfuerso ku kompanianan ta hasi pa krea konsenshi i sostené e kousa.” CEO di CIBC FirstCaribbean, Rik Parkhill a bisa: “Nos ta sumamente kontentu di ta envolví den un otro esfuerso pa krea mas konsenshi pa un malesa ku tin impakto riba nos tur.  Nos tur sa di e istorianan ku nos ta tende ya ku kanser ta un malesa ku ta bati na porta di nos tur den un òf otro forma;  sea ta un miembro di nos famia òf ta un amigu òf kolega òf e realidat di algun di nos ku ta sufri bou di dje òf un persona ku ta lucha kontra di e malesa yen di kurashi.  CIBC FirstCaribean ta sostené tur esfuerso pa lanta e konsenshi di públiko pa tur tipo di kanser, inkluso pa detektá trempan si tin e malesa, tratamentu i e nesesidat agudo pa kura permanente.  Pa e motibu aki tur nos esfuersonan, den kuadro di e kaminatanan ta dirigi riba krea un konsenshi mas amplio.”