… Renaissance Curaçao Resort, Rif Fort i Carnaval Casino ta gradisí;…

WILLEMSTAD – Tabata djasabra último ku Renaissance Curaçao Resort, Rif Fort i Carnaval Casino a hasi apertura di e grandioso kampaña “Island Xtravaganza”. Ku e evento di wikènt pasá Renaissance Mall, Rif Fort i Carnaval Casino ta duna inisio na e kampaña ku pa e fin di aña aki un biaha mas lo tin tur hende riba pia. Un i tur ku bishitá Renaissance Mall, Rif Fort i Casino pa shòp, relahá òf purba e suerte lo tin oportunidat di forma parti di ‘Island Xtravaganza’ ku chèns di gana premionan fabuloso. Un públiko grandi tabata presente pa forma parti di e feria di salú i beyesa ku a tuma lugar djasabra último, siguí pa e show di moda ku a konta ku partisipashon di kasnan di moda renombrá e.o Armani Exchange, Maxmara, Velez, Zazou, R-Glass, The World’s Closet, Diesel, Paul & Shark, Freeport, Sunspecs i Tommy Hilfiger. A kulminá e apertura di ‘Island Xtravaganza’ ku e kaminata na benefisio di Fundashon Sinta Ros i finalmente e Cool Down After Party ku a tuma lugar den Rif Fort ku entretenimentu di D’Edge i DJ Ro-1. Riba fotonan athuntu por haña un impreshon di e grandioso apertura di Island Extravaganza ku a tuma lugar djasabra último na Renaissance Curaçao Resort, Rif Fort i Carnaval Casino.