Ocean Drive; biba riba un parsela eksgtra grandi, ekslusivo i direktamente na Laman dilanti Blue Bay

Resientemente un grupo di diferente invitado, partner i relashonnan di Blue Bay Curacao & Golf Resort a presensia e lansamentu ofisial di nuebe (9) parsela ekslusivo, ku un bista uniko riba laman na Blue Bay. E area aki a haña e nomber “Ocean Drive-private oceanfront property” E parselanan aki ta hustamente kaminda e di 18 buraku di e kancha di Blue Bay tabata situá. Robert Jan Derksen, golfista profeshonal, Churandy Martina, nos atleta velosista I Liemarvin Bonivacia (atleta di medio distansia) ku Sepp Koster, CEO di Blue Bay Resort, a hunga e ultimo buraku aki di e kancha, pa asina duna inisio na e lansamentu di e parselanan enfrente di laman. Ya tabatin sierto interes pa posee un di e parselanan aki.

OCEAN DRIVE

E nomber aki mes ta duna tur e honor ora ku buska su definishon. E ta situa na e mihó lokalidat di Blue Bay. E loke tabata e di 18 buraku di e kancha di golf, a traha lugá pa nuebe parsela ku ta di 3000 m2 pa 4400 m2. Kada parsela lo por dispone di un liña di kosta ku ta varia di 40 pa 70 meter. Di mes ku un bista fantastiko riba nos laman Caribe, for di Piscadera te na Boca Samí. Esei mes ta hasi e parselanan aki esnan mas prestigioso di hinter e resort.

DESAROYO

Blue Bay aktualmente ta den un proseso formal di desaroyo. Ya trabounan a kuminsa pa renova e históriko Landhuis Blauw, ku lo bira e Clubhouse di golf nobo i resepshon di hotel. Lo bai konstrui dos buraku di golf nobo, mientras ku ta bai re-ordená hinter e sistema di irigashon. Lo konstrui un sentro di Bonbiní nobo, mientras ku prome ku fin di aña, lo inisia e kontrukshon di 32 apartamento direktamente na e playa di Blauw.

Na e momentonan aki Blue Bay ta konta ku mas o menos 450 kas konstruí, un serie di apartamento i kasnan di vakashon. Riba e resort tin tres restorant, varios bar i un kancha di golf di 18 buraku. Ademas tin na Blue Bay kanchanan di tennis, un skol di buseo, kids club, un gym i areanan pa bishitante i habitantenan por kana. Tur e diferente fasilidatnan aki den futuro lo keda mehorá, renová I ampliá.

ULTIMO BIAHA HOLE #18

Durante di e diskurso di gerente general Sepp Koster, e publiko a keda sorprende algun biaha pa un helikopter ku tabata bula hopi abou. A resulta ku den e helikopter di Blue Skies tabatin e huespetnan di honor, Robert-Jan Derksen, Churandy Martina i Liemarvin Bonavacia. E kuaternan aki a hunga e ultimo buraku durante di e siman di MCB Curaçao Masters.  Tantu Churandy komo Liemarvin a demostra di ta tremendo atleta, realisando algun “putt” spektakular.

PRE-SALE

Mientras tantu e Pre-sale di e parselanan aki a kuminsa ofisialmente i Blue Bay ta masha kontentu di por informa ku e prome kumpradónan potensial ya a meldu na e ofisina di Blue Bay.

Bo tin interes den e Ocean Drive di Blue Bay? Wel tira un bista riba e webdite: www.oceandrive-curacao.com. I si bo ke mas informashon di tur e desaroyonan na Blue Bay Golf & Beach Resort? bo por konsulta ku e pagina wep nobo: www.imagine-curacao.com