Patrick Kluivert ku a bin Kòrsou pa train i coach e selekshon nashonal di futbòl di Kòrsou, i manera hopi di nos a mira den e weganan Kòrsou kontra Guyana i Kòrsou kontra US Virgin Island, esaki tabata un éksito rotundo. Algu ku nos ta hopi orguyoso di dje. Nos ta kontentu ku Patrick lo keda enbolbí ku nos tim nashonal di futbòl i tambe ku FFK, komo nan Embahador.

Maduro & Curiel’s Bank no a laga Patrick bai bèk Hulanda sin nan yamé danki ku un toke spesial.

Michael de Sola miembro di gerensia huntu ku Caroline Sluis-Gibbs hefe di Merkadeo  a bai personalmente pa entregá Patrick Kluivert un bunita rekuerdo di MCB, ku ta nos famoso ‘BuBu’ den unifòrm di e tim di futbòl i logo di nos Banko riba su karson. Di e manera aki nan a yama Patrick Kluivert danki i a dese’é hopi éksito ku su reto nobo ku e tim di Ajax na Hulanda.