LATIN AMERICA NORT CUP 2016

WILLEMSTAD – E yu di Kòrsou Jeff Macolonie di 19 ku ta mihó konosí komo “Rapid”  ta destakando enormemente den eSports, un deporte kaminda ta hasi uso di  sistemanan elektróniko pa hunga. Esaki nos konosé komo League of Legends. “Rapid” na e momentunan aki ta bibando den un Gaming House na Mexico, kaminda e ta forma parti di e torneo Latin American North Cup 2016.  Jeff Macolonie a kombertí su mes den un profeshonal den eSports i ta destakando den esaki.

E hóben yu di Kòrsou  na e momentunan aki ta hungando pa e ekipo Brawl eSports, un organisashon Mehikano  den e ròl di “Mid lane” den e region Latin America North. E ta bibando na e momentunan aki den un Gaming House, un kas spesífiko pa gaming huntu ku 4 otro hungadó i nan coach.

Jeff “Rapid” Macolonie ya ta hungando League of Legends pa 5 aña kaba.  Pa e último 3 añanan ku a pasa el a tuma e deporte aki mas serio, despues ku el a tuma nota kon grandi e mundu di eSports a bira.  Despues ku el a tuma nota kon bon e mes a bira den e deporte aki i tambe e ofertanan ku a tabata risibí, el a disidí pa stòp ku su estudionan i sigui un karera komo gamer profeshonal.

Despues di 4 luna ku e a terminá su estudio, ku sosten di Elite Curaçao United Community, un komunidat di gaming aki na Kòrsou, Rapid i su team a gana e torneo di klasifikashon i mester a muda pa bai Mexico pa partisipá den e torneo ku ta keda transmití rònt mundu.

Rapid na e momentunan aki ta disfrutando bibando na Mexico i kumpliendo ku su soño na Toluca Metepec kaminda su kas ta biga. E ta hunga dor enkuentro pa siman ku ta keda transmití on line,  si sobra si siman e ta práktika den e gaming house.

Kada biaha ku e weganan ku Rapid ta partisipá aden keda transmití mundialmente, e nòmber di Kòrsou ta keda menshoná. E promé ta ku ta anunsiá ku e ta e promé hungadó di Kòrsou pa drenta den eSports i hopi hende ta puntra unda Kòrsou ta keda.

Despues di un siman Rapid a keda nominá komo hungadó mas valioso di siman i asina  gana mas rèspèt i sosten di e komunidat di League of Legends. Un di e metanan di Rapid ta pa inspirá hóbennan yòn di Korsou pa drenta den eSports i hasi esaki na nivel kompetitivo.

 

KIKO TA e SPORTS

eSports ta un deporte kaminda na promé lugá ta wak e aspekto I fasilidatnan di deporte fasilitá pa un sistema elektróniko. Esnan ku ta hasi e deporte aki ta un kombinashon di humano i kòmpiuter.

Awor aki na Mexico nan ta organisá e Latin America North Cup kaminda nan ta finansiá e 6 ekiponan ku ta kompetí den e torneo ku tin un premio gordo di 40 mil dòler, i na final di e temporada tin “World Championships” ku tin un prize pool di 2 million dòler.

League of Legends ta keda hunga rònt mundu, pero kompetitivo den e siguiente regionnan: Nort America, Europa, Korea LMS, China, SEA, Sur America, Turkia, CIS, Oceania, Brazil i Hapon.

Un i tur por sigui Jeff “Rapid” Macolonie riba facebook i youtube bou di  www.facebook.com/jmccolony / www.youtube.com/jmccolony.