ORANJESTAD, 13 di Juni 2016 – ARUBA: Aruba Hotel and Tourism Association (AHATA) regularmente ta organisa tayernan pa nan miembronan como un di e beneficionan ofreci na companianan cu ta liga na e asociacion cu ta represta e industria di turismo di Aruba desde aña 1965.

Siman pasa, den colaboracion cu Deloitte Dutch Caribbean, AHATA a presenta e tayer “From Plan to Budget”. Durante e sesión Señor Menno George, Deloitte Caribbean Manager Human Capital Consulting and Strategy & Operations a mustra e participantenan con pa pone hunto un Business Case den ekipo y su importancia.

E tayer aki tabata dirigi specialmente pa gerentenan y supervisornan cu ta presenta plannan na nan hefenan.

E meta principal tabata pa siña con pa duna e plan un balor comercial refleha den cifranan/“placa”, cual ta crucial den e proceso pa e director, gerente general, CEO of doño tuma un decision.

Na final e cursistanan a ricibi un certificado di participacion for di Deloitte y AHATA.