WILLEMSTAD —  Konsulado General di Repúblika Bolivariano di Venezuela na Kòrsou, ta hasi un yamada na tur su kompatriotanan suidadano ku ta sea di turista o ta bibando aki na Kòrsou, pa  nan no bai tras di rumornan ku ta kore ku: Nan lo ninga venezolanonan  entrada bek na Venezuela i ku nan mester bai for di e pais i keda biba den estranheria. Esaki ta un rumor ku a bin ta sirkulá via di retnan sosial, página web manera areasaludable.com y Trébol Noticia i asina tambe hendenan sin eskrupulo ku no tin kunes di e impakto di e konsekuensianan negativo ku esakinan ta generá serka hopi famia Venezolano.

E petishon ta bai pa no sigui furni ni plama tipo di rumornan aki, pasombra tras di nan únikamente tin interesnan skur i intenshonnan malu ku e  meta pa mira Venezuela malu ku konflikto interno i ku konfrontashon internashonal.  Esaki no ta nada mas ku kontinuashon di e loke ku nos konosé komo TERORISMO MEDIATIKO

Nos ke informá ku Gobièrnu di Venezuela,  kontrali na loke nan ta bisa,  durante di e promé dianan di luna di mei, na Havana Cuba, a tene reunionnan ku vários operadornan turístiko internashonal, kaminda a papia riba e proposishonnan pa konkretisá e turismo reseptivo pa e pais. E enkuentronan aki a desaroya na e di 36 Feria Internashonal di Turismo ku a tuma lugá na Cuba.  Ta di resaltá aki ku paisnan manera Mexico, Fransia, Ecuador, Italia, Colombia i Cuba ta esnan ku mas a destaká i a mustra e interes pa hasi turismo ku Venezuela i na e mesun momento establesé e konekshonnan aéreo pa e pais.  E diferente delegashonnan a presentá un konograma pa sigui elaborá di ba konvenionan ku ta permití pa hiba turista na Venezuela i bishitá lugánan manera Morrocoy, Margarita, Merida i visevèrsa.