Agensia Curaçao Foods Trade a lansa e kampaña “Like A Girl”, [Manera Mucha Muhé] pa motivá mucha muhenan. Komo ku e frase “Like A Girl” sa wòrdu usá pa indiká algu menos fuerte, i tin biaha asta ofensivo. a skohe pa kambia esaki pa un mensahe positivo: Mucha muhé ta un ser fuerte, balioso i ku por tur kos mes bon ku mucha hòmber. Inisiador di e konsepto aki ta e marka di produktonan ALWAYS.

Curaçao Foods Trade ta bishitando varios organisashon i gruponan di hoben. Durante esaki, ta kompartí e mensahe positivo di “Like A Girl” i eduká tokante auto-estima. E reakshonnan positivo riba esaki ta remarkabel. Ta importante pa sigui inspirá  mucha muhenan pa ta sigur di nan mes. Segun representante di Curaçao Foods Trade: “ALWAYS, komo un marka femenino, sá ku den e fase di hubentut, e auto-estima di un mucha muhé ta hopi vulnerabel. Pues, pa nos ta importante  pa sostené i motivá e grupo aki..” Riba foto por mira un representante di Curaçao Foods Trade bishitando Fundashon Bos Di Hubentut i Brigada di Seguridat i Formashon. Lo tin diferente aktividat mas pa hoben, ku pronto lo keda anunsiá. Tambe via Facebook lo rifa varios premio atraktivo pa hobennan ku kompartí un mensahe positivo tokante e kampaña. Pa kualifiká den rifa: kompartí bo mensahe ku e página www.Facebook.com/LikeAGirlCuracao i menshoná #LIKEAGIRL .

Pa mas informashon, bishitá www.Facebook.com/LikeAGirlCuracao .