Rio Canario brènch tambe a yama klientenan danki.

WILLEMSTAD –  Djabièrnè 15 di aprel Maduro & Curiel’s Bank a kontinuá ku nan aktividatnan pa yama klientenan ku ta bishitá nan brènchnan danki pa nan sosten, lealtat i konfiansa. E di kuater aktividat na brènchnan den kuadro di MCB su rumbo pa 100 a tuma lugá na brènch di Rio Canario. Den brènch Bo Banko Amigu a sorpresá klientenan ku presentashon di baile di Brasil i baile di kultura di Kòrsou. Tur kliente ku tabata presente a haña e oportunidat pa gana un Kompa Leon Gift Card. Na total Bo Banko Amigu a regalá 5 Kompa Leon Gift Card na balor di NAf. 100,–.Tambe MCB a sorpresá tur kliente ku a bishitá brènch di Rio Canario for di 3or te ora brènch a sera, ku un dushi trit i un bunita rekuerdo. Mas atardi entre 6.00 p.m. i 7.00 p.m., riba lugá di stashoná auto di Rio Canario brènch tabatin presentashon di baile di koleganan di Rio Canario brènch, muchanan di Skol Dr. Nelly Winkel, MCB Centennial Band, brassband ku nan bailarinanan i presentashon di Grupo Rítmiko Kosecha. Tur presente a gosa un bòl i naturalmente tabatin algu pa sisti e stoma i baha e set. Komo muestra di apresio i sosten na e área di brènch di Rio Canario, empleadonan i e Brènch Manager huntu ku algun miembro di gerensia di MCB a hasi entrega di un chèk na balor di NAf. 5.000,– na Skol Dr. Nelly Winkel. Ku e donashon aki, MCB ta spera di por yuda maestronan i alumnonan di Skol Dr. Nelly Winkel pa nan por logra konkretisá algun di e bunita proyektonan ku nan tin planiá p’e skol.

Keda pendiente pasó e luna aki, dia 16 di mei, Bo Banko Amigu lo bolbe sorpresá klientenan di un di su 14 brènchnan.