Un seminario organisá dor di grupo MBA XIII di ICUC
Willemstad, 9 di mei 2016 – Studiantenan di Inter-Continental University of the Caribbean (ICUC) , Master in Business Administration (MBA) grupo XIII ta organisá un seminario ku e titulo di “Tourism as an Economic Development Tool: The Myth and the Magic”.
E persona asigná pa duna e diskurso na e seminario lo ta Sr. Vincent Vanderpool-Wallace. Den pasado señor Vanderpool-Wallace tabata ‘ Co-President’ di Resorts International,kual den e temporada ey e kompania priva mas grandi na Bahamas, Direktor-General di Turismo na Bahamas, Sekretaris-General i CEO di ‘Caribbean Tourism Organization’ i tambe mas resien komo Minister di Turismo di Bahamas. Sr. Vanderpool-Wallace a logra su sertifikadonan den ‘Business Administration’ (BA) di Harvard University kaminda e la gradua Cum Laude i su MBA di University of Miami kaminda e la gradua na top di su klas. Aparte di tur esaki, Sr. Vanderpool-Wallace a keda honrá komo un di e 50 personahenan ku mas influensha den Turismo di Karibe den e ultimo 50 añanan. E la wordu selektá dor di ‘Fast Company Magazine’ komo un di e 50 héroenan global ku motivashon den inovashon.
Na 2009, Sr. Vanderpool-Wallace tabata inkluí riba e lista honorabel di e Reina di Inglatera i a keda honra ku un CBE (Commander of the Most Excellent Order of the British Empire) pa tur su kontribushonnan pa desaroyo di turismo na Bahamas.
Un di e topikonan mas importante i hopi interesante ku lo wordu diskuti e anochi aki lo bai ta e progreso di e struktura di nos ekonomia, manera e GDP, ta konosí pa ta inadekuá den e impakto berdadero di Turismo den nos ekonomia. Tin hopi kos mas ku por kontribuí den nos sosiedat ku tin balor pero ku no ta wòrdu tuma na kuenta.
Un dicho ku Sr. Vanderpool-Wallace ta relata hopi kune ta “Not everything that counts can be counted, and not everything that can be counted count” (Albert Einstein).
Sr. Vanderpool-Wallace, ultimo tempu nan tabata tin hopi konekshon ku nos isla pa medio di e ‘Master Plan’ di turismo i ku pa e implementashon di esaki. Na e seminario aki nos lo siña konosé ku hopi mas di su plan i ideanan pa nos dushi Kòrsou.
Pa registrá i partisipá na e seminario aki ku lo tuma lugá dia 26 di mei, di 6’or di atardi pa 8’or di anochi, bishita http://economicseminar.eventbrite.com. registrá promé ku dia 24 di mei, 2016. Registrá mas pronto posibel paso stulnan ta limitá! E seminario aki lo tuma lugá den e Tula Room na Hotèl Kura Hulanda den Otrobanda i ta kompletamente grátis.