Digicel ta lansa e foro “Women in Leadership” Turks and Caicos

ORANJESTAD, Aruba – 19 di april 2016: Como apoyo y sosten na e iniciativanan cu ta anima hende muhenan pa tuma un rol activo den desaroyo economico mundial, Digicel a organisa e foro “Women in Leadership” na The Palms Resort na Turks & Caicos cu e meta pa sostene hende muhenan pa aspira di ta lider y pa empodera esunnan cu ya ta envolvi pa continua di ta e embahadornan di cambio di wega den nan area. Digicel Aruba ta hopi orguyoso cu su Gerente di Retail y Customer Care, Junella Courtar por a participa y completa e serie di entrenamentonan menciona.

E foro a wordo teni bao di e tema “Developing and Empowering our female talent in the Caribbean” y a mira mas di 100 muhe hoben tin e oportunidad pa scucha oradornan distingui comparti nan storia riba e retonan cu nan a enfrenta na caminda pa ta exitoso den bida y con nan a supera e desafionan ey. E oradornan a inclui Vice Prome Minister Akierra Missick, Minister di enseñansa Josephine Connolly, Vice presidente di e Camara di Asamblea Rhondalee Braithwaite-Knowles, Procurador General Jennifer Carnegie, Digicel Group Chief People Officer Sonia Bien-Aime, Presidente di TCIFA Mona Beeson y Gerente General di The Sands Hotel.

E serienan “Women in Leadership Learning” (WILL) ta un “leadership development programme” lansa na December 2015 pa sostene e   empodera hende muhenan como lider na Digicel. E iniciativa aki ta enfoca riba desaroya muhenan lider a traves di tayernan intenso di desaroyo pa liderazgo, coaching ehecutivo y un programa pa monitor cu ta cuadra nan cu otro dirigentenan mas halto dentro di e negoshi.

Compila den cuatro dia dinamico di lectura, simulacion, tecnico y tactica, e WILL Power Series ta diseña pa construi y fortalece habilidadnan di liderazgo y confiansa, yudando asina cu e planificacion di nabegacion di carera, manera exposicion di e participantenan na modelonan di conducta pa exito. E programa tambe ta inclui entrenamento ehecutivo y un tutorial cu ta mira e participantenan den lidernan dentro di e compania.

Tambe a asisti un grupo grandi di hende muhe for di varios “high school” cu a keda hopi entusiasma pa scucha e oradornan, haci pregunta na e panel y scucha for di miembronan di staff femenino di Digicel, cu a comparti nan carera profesional den liderazgo. E studiantenan a bin for di Champions for Christ, Clement Howel High School y Maranatha Academy.

CEO di Digicel Aruba, Bob Sprengers ta felicita Junella cu e logro aki. Y el a bisa cu: “Digicel ta na caminda pa bira e “Employer of Choice” y pa e motibo aki Digicel lo sigui enfoca ariba programanan cu lo desaroya hende muhe y empleado di Digicel en general”

Gerencia y coleganan di Digicel Aruba ta desea Junella hopi exito den su carera profesional.