Willemstad- Sra. Tintin Witt-Rochayah i Sr. Olaf Witt, di Hamburg Alemania biahando djamars último abordo di e buele di KLM 785 a keda gratamente sorprendé ora ku nan a keda yama bon bini komo e di 1.500.000 pasahero ku ta yega Curaçao International Airport den 2013.   Nan a risibí un kordial bon bini na nan yegada i no por imagina nan mes un mihó manera pa kuminsá nan vakashon. E pareha na nan yegada a keda yama bon bini pa Sr. Ralph Blanchard, e CEO di CAP, Sr. Max Smits, General Manager di KLM pa Karibe Ulandes, Sra. Arianne Logher-Staal, Marketing & Communication Coordinator di KLM, Sr. Farley Hollander, Sales Manager Avila Hotel i Sra. Sabine Hart, Managing Director National Car Rental.  E pareha e keda malkriá ku regalo pa por selebra echo memorabel aki.  E regalonan tabata konsistí di un pasashi ida buèlta Alemania- Kòrsou, estadia na Avila Hotel, hur di outo grátis na National Car rental i dos chek di kasa un US$500 i flor opsekio di Curaçao Airport Partners.  Banda di tur esaki nan a risibí un bòter di shampaña opsekio di Aldeasa. CAP lo sigui traha riba kresementu di e kantidat di pasaheronan ku ta bishita Kòrsou huntu ku su partnernan tantu lokal komo den eksterior.