#Superando tey bèk atrobe ku e tremendo Konsierto den forma di dokumentario titulá  ”Sigui Stima” kontando ku artistanan invitá manera Levi Silvanie, Duo Gleva, Paul Welvaart i Zoinx.

 

Musika lo ser dirihí pa Randal Corsen; Eric Calmes (bajo), Laverne Le Blanc (drums), Serghio Jansen (kitara elektriko), Marvin Snijders (perkushon) i Royston Hato (koro i perkushon).

 

Banda di esaki e show lo tin un elenko di koro di otro mundu dirihí pa Naomi Cijntje inkluyendo Esther Silvanie i Niata Augusta. 

 

‘Sigui Stima’ ta un show uniko ku ta kombina müzik ku eksperensianan di bida diario. ‘Sigui Stima’ ta siña nos di e balor i importansha di tin amor den nos bida. Na e show lo bo presensia un Levi Silvanie hopi diferente i vulnerabel tresiendo kansionnan dilanti ku ta inspirá un i tur pa ta e mihó vershon di nan mes.

 

Paul Welvaart den un esfera nobo kantando for di su kurason I ekspresando su amor pa Kòrsou. E importansha I nesesidat pa amor ta wordu suprayá aun mas mirando e konekshon uniko di Duo Gleva.

 

Tin piesanan nobo i eksistente den un bachi nobo ku ta kompletá e totalidat i yena bo alma ku positivismo.

 

Sòru pa bo no pèrdè e eksperensia uniko aki kual lo ta e delaster show kontando ku presensia di Levi Silvanie na Kòrsou pa 2016. E konsierto lo tuma luga dia 30 di Aprel proksimo na WTC kuminsando 8’or. Karchinan ta obtenibel na Mensing’s Caminada I riba www.ticketscaribbean.com No laga pa niun hende mester bin kontabu.