Djasabra awor 16 di aprel Korsou ta bai keda paralisa ku un proyekto super positivo.

 “AWE NO”. Pa 12’or, 1’or i 2’or di merdia pueblo ta bai saka sonido durante 1 minut di  e.o. batiendo panchi, fluit I pita auto, pa asina nos para ketu i yama e dia pa kambio bon bini. Banda’riba te banda’bou ta bai sera union i kada kas, hanchi i bario ta bai uni huntu pa asina nos krea 1 minut di atenshon. “AWE NO” na violensha i kriminalidat, “AWE NO” na tur kos ku ta negativo. Ban sera union i asina nos Komparti pas i felisidat riba nos isla. Korsou ta un paraiso i yena ku talento i na Sambil e konsierto di pas pa abo por Sali despues bai kas bek inspira, ta tuma luga. E show ta kuminsa 19:00 i ta kaba 22:00. Tur mucha entre 6 pa 12 aña ta keda invita pa asina kanta huntu ku e artistanan e kansion “WE are the World” i pa asina nos tur ban laga nos bos resona “Dia internashonal di Bos”. Mirando ku ta un konsierto humanitario nos ta aserka tur  mayor pa e aporte. Mirando ku boso yu ta parti di e show nos kier a stimula tur mayor pa asina bini i presensia e konsierto. Pa hasi e dia kana organisa i mas bon ku ta posibel nos ta suplika si kada mayor por presenta ku e yu i tambe pa asina ora ku presentashon kulmina boso por para responsabel i pa bai kas ku e yu(nan). Tur mucha ta keda banda di su mayor i na ora di presentashon e muchanan ta uni i duna e presentashon kaba bai serka e mayor(nan) bek.  E entrada pa e konsierto ta kosta solamente Fls 10,- i si bo(so) por duna boso aporte nos lo apresia. Pues kada mucha ku ta presenta ta drenta pornada i e mayor ta kontribui ku Fls10,- pa tey presente pa asina atmira e konsierto. E aña aki “Task Force AWE NO” a nombra 3 organisashon prestigioso ku ta traha na bienestar di mucha, hóben i adulto kaminda nos ta bai hasi donashon. E tres fundashonnan ta Scouting Antiano, Bos di Hubentut, i Dun’é un Chèns. Pa nos por duna mas fundashon i otro organisashonnan e oportunidat pa sigui krese i ekspandé nos a lanta un “Task Force” pa asina yuda guia un proyekto òf organisashon. E “Task Force” ta bai hasi diferente aktividat tur siman na skolnan i den wiként den un bario pa asina kontribuí na bienestar di kada bario i su habitantenan. Nos ta bai den barionan i organisá charla edukativo, aktividatnan den enseñansa, deporte, kultura i tambe aktividatnan ku ta bai uni mucha, hóben i adulto huntu. aki ta tur e personanan ku a kontribui pa asina hasi e anochi realidat. Obispu Luis Secco, Pastornan, Curtis Merris i Raul, Raimy Juliet, Diana Lebacs, Harlianne “Yentje” Silvanie, Zaerick Martha, Anralice Dap, Tito Doran, Ludwig Sambo, Reuben & Jeffrey, Nicole Maduro, Eugenne Valpoort, Shamiro Anita, Kor kantando kontentu, Kor Sta. Famia, Neyda Litgow, Benjamin Emanuel, Ulrich Leonora, Ilvia Gustina, Nathaly Antonia, Raul, Mason, Mercee Doran, Corin Djaoen, Edward Reinita, Voneta & Azura, Gwendel Mercelina, Donna Lee Yung, Tyalva Merrien, Aemy Felis, Morgan Isenia, Jachmin Pinedo, Mercee Doran, Robert Cors, Reinier Lijfrock, Rashid Felida, Vanessa Cathalina Chong, Roald Balentien, Alexander Molina, Furgell wijngaarden, Andira Reenis, Xemio Jacobs, Remi Joss, Giltaly Doran, Roella Jacobs, David Hugo, Melania van der Veen, Henry B, Angelique Klooster, Ella Bernabela, Rumichel Marchena, Rebecca Benschop,Darwin Gregg, Tyeisha Bernabela, Mamy Elstak, Tania Klooster, Noisette Varlack, HNLY, Shenyo Bokshoven, Marilou Boeldak, Clark Zalm, lady Su, Clinton Hato, Cheryl “Liesje” Lispier, Boy Thode, Jennifer Virginia, Noami Alexina, Farley Lourens, Elia Isenia, Veanira Booy-Reed, Dibo Doran i tur otro miembronan di kor. Danki na Pueblo di Korsou ku a kumpra tantu T-shirt i karchi pa presensia i danki na abo ku tambe ta bai aporta djasabra awor. Ban uni forsa, ban pega kurason na otro i ban pa loke nos merese ku ta pas, trankilidat i felisidat pa Korsou. Por kumpra karchi na 24 uur uit de muur, Beep Beep Rio i Mensings i na entrada djasabra for di 6’or.  Por yama tel: 5213700 pa mas informashon.