DJ Sky: Un yiu di tera marcando pasonan grandi den musica na Hulanda y Europa Festival Palmundo ta djis e tip di e ijsberg

For di dia cu Palmundo Festival a cuminsa na 2014 den su prome edicion, tur hende tabata sa cu e festival aki lo bay tin un impacto grandi na e comunidad Latino Caribense tanto na Hulanda como na Europa, convirtiendo den e Indoor Festival di mas grandi den e continente ey y nos yiu di tera, DJ Sky, a sa di demostra un biaha mas di pone Aruba su nomber na halto, den un evento parando pareu cu artistanan grandi internacional.

Idea tras di e festival aki ta pa trece tur e artistanan mas grandi di Latino America y Caribe hunto pa un fin di siman pa presenta dilanti mas di 20 mil persona.

Riba e escenario principal den su prome edicion na Zoetermeer, representando Aruba riba e escenario principal, DJ Sky, hunto cu Jeancarlos Espinal formando Exide Music, nan a sa di bolter e area di concierto ariba bao, treciendo bon musica y ambiente pa tur esnan cu a presencia e show magno aki.

Tambe den soca vs dancehall stage tabata t’ey e artistanan Arubiano Recruitz Band y dj Spice. Artistanan di Latino America y Caribe cu tambe a presenta tabata Joel y Randy, Romeo Santos, Elvis Crespo, Carimi Krosfyah, Alison Hinds y mas.

Durante e evento na aña 2015, a move pa un localidad mas grandi cual ta Ahoy na Rotterdam. Dj Sky a un biaha mas a presenta riba e escenario principal. E biaha aki Claudius Phillips y su banda Oreo a wordo accerca y bay Hulanda pa presenta na e festival aki. Oreo a haci un tremendo papel y organisado nan a bolbe keda contento cu e artistanan Arubiano kendenan a haci un bon trabao riba e escenario principal. Otro artistanan internacional cu tabata presente ta Juan Luis Guerra, Kassav, Romeo Santos, Yandel, Gio Fuertisimo, Tego Calderon, Cache Royale y mas.

Pa 2016, e evento aki a tuma luga na Ahoy Rotterdam un biaha mas. DJ Sky, no a defrauda y a presenta riba e escenario Caribense durante Pal Mundo Festival, demostrando asina e talento grandi cu e tin, cual a sa di deleita bon musica, hunto cu Mama Mia, Buleria. Tambe lo presenta Dj Sky.

E experiencia di Pal Mundo ta un balor agrega na e experiencia amplio cu Dj Sky tin, cual ta haci cu e ta y lo keda un artista sumamente popular na Hulanda, moviendo cu pasonan rapido na Europa. Un yiu di tera cu ta un ehempel pa tur hoben cu kier sigui den e arte di DJing y cu perseverancia y conviccion por yega hopi leu, manera cu DJ Sky a haci.