Dia 6 di april ta dia Mundial di Actividad Fisico y dia 7 di april ta dia Mundial di Salud. Dos fecha cu ta wordo celebra internacionalmente cu diferente actividad pa entre otro duna informacion y educa e comunidad di mundo henter riba e importancia di cuido di nos salud y actividad fisico den nos bida diario.

Tur aña ta scoge un tema cu lo enfoca riba dje. E tema pa ‘Dia Mundial di Actividad Fisico 2016’ ta: “Hoben activo, adulto saludabel!” mientras cu pa e ‘Dia Mundial di Salud 2016’ e tema ta “Diabetes”. Riba ambos tema, lo enfoca cu informacion via nos medianan social

Facebook IBiSA.Aruba y www.ibisaruba.org .

E vision di IBiSA ta pa yega na un Aruba Activo y Saludabel. Conhuntamente cu Fundacion Movimiento ta Bida (FMTB) ta organisa diferente actividad. Pa menciona algun:

• Tour di Movecion dianan 6 y 7 di april na scolnan preparatorio y basico;
• Duna informacion na diferente instancia priva y di sector publico;
• Lectura “Biba Consciente” na Multi Functionele Accommodatie (MFA) na Noord dia 6 di april 2016 pa 7:00 p.m.;
• Programanan informativo na radio y television.

IBiSA conhuntamente cu FMTB ta haci un cordial invitacion na tur instancia/negoshi pa organisa un actividad den cuadra di e dianan aki. Cualkier iniciativa pa bin cu un actividad na pia di trabou of despues di ora di trabou ta wordo aplaudi. Siguramente nos ta desea di wordo informa tambe di kico a wordo organisa, na unda, pa ken y cuanto persona a participa. Sin lubida riba potretnan pa nos por pone riba nos FaceBook page. Di e forma aki tambe nos kier logra pa sigui motiva otro instancia pa haci mescos. Pa mas informacion of pa manda potret etc. di un actividad por haci uzo di email: ibisa.socialmedia@gmail.com.

Aruba den movecion!