Flinx Recruitment Expo Dutch Caribbean ( FRED) E aña aki, pa di sinku aña konsekutivo, lo organisa FRED Expo dia 26 te ku 29 di Mei na WTC-Beurs na Rotterdam, Hulanda. Flinx Recruitment pa 9 aña kaba ta specialisa den connecta empleado nan na Aruba i den e area Caribe Hulandes ku profesional nan den exterior. Ta trata aki partikularmente di profesional nan lokal ku a termina nan estudio na Hulanda i ku ta desea di bin traha bèk na nan isla natal. E meta di e evento aki ta pa duna profesional nan, graduado nan, i studiante nan ku ta den e fase final di nan estudio i studiante nan ku kier hasi uso di nan stage pa haña un oportunidat pa bin den kontakto ku empleado nan di Caribe Hulandes.

E aña aki FRED ja kaba ta konta ku presensia di mas ku 15 kompania i organisashon ku lo ta presente for di Aruba, Boneiru, Korsou, Sint Maarten, Suriname i Hulanda. E evento nan di FRED 2016 lo kuminsa djawebs dia 26 di Mei, ku “Fred Company Dinner”. Durante di e komementu aki, profesional nan local lo haña e oportunidat pa sera konosi ku e representante nan di e diferente kompania nan participante. E “FRED Job Fair” kual ta e ‘highlight’ di e evento aki ta tuma luga Djasabra 29 di Mei na WTC-Beurs Rotterdam kuminsando for di 11 or di mainta te ku 6 or di atardi. Durante e Job Fair, bishitante nan por pasa na e diferente stands di e compania y organisashon nan participante pa haña mas informashon tokante nan posibilidatnan laboral. Lo tin diferente actividat pa studiante nan i profesional nan riba e dia aki, manera workshops i simposio. FRED 2016 ta kulmina riba Djadumingu 29 di Mei ku “Company Interviews”, kaminda e empleado nan ta haña e oportunidat pa hasi un entrevista “one-on-one” ku e kandidata nan di nan selekshon.

E aña aki FRED lo wordu patrosina pa KMPG, pero tambe lo konta ku presensia di otro kompanianan, entre otro SOAB, Deloitte, Sehos, HBN law, Bearing Point, Kooyman, pa menshona algun. Ademas tin varios otro organisashon social i estudiantil ku tambe lo ta presente pa duna informashon riba e dia aki.

Si bo ta interesa pa partisipa na FRED 2016 of si bo tin konosi nan ku lo ke bin traha na nan isla natal, porfabor bai riba e website di FRED, www.fredexpo.com, i registra prome ku 12 di Mei 2016. Perkura pa bo jena i manda bo CV kompletamente i registra pa e komementu ku kompania, workshops, simposia i interviews. Registrashon i partisipashon ta kompletamente gratis, pues no pèrdè e oportunidat uniko aki!