Introdukshon likùr di tamarein.

The Genuine Curaçao Liqueur ta bai kumpli 120 aña di eksistensha i nos tei kuminsa e selebrashon ku intrudukshon di nos likùr di tamarein. E likùr aki lo ta un vershon limitá i e prome 120 bòter nan lo inkluí un sertificado numerá.

E Curaçao Liqueur a habri su portanan 28 di mart 1896. E elemento ku ta hasi Curaçao Liqueur uniko ta e uso di kaska aromatiko di laraha di Kòrsou. Pa e motibu ei Curaçao Liqueur di Senior & Co ta e uniko destilado ku por yama su product “The Geniune Curaçao Liqueur”. Nos di Curaçao Liqueur tin basta tempu den e proseso pa krea e likùr di tamerein i e selebrashon di 120 aña ta e momento perfekto pa introdusí e product nobo aki. E likùr di tamarein ta kreashon di nos “Production Manager” John Bradshaw. John a wòrdu inspirá pa e tradishonal awa di warapa i a uza tamarein na luga di laraha pa krea e likùr.

For di awe e likùr di tamarein lo ta optenibel na Landhuis Chobolobo den Saliña. Durante henter aña lo bai tin mas festividat relashona ku e selebrashin di 120 aña Curacao Liqueur. Sigun e fecha nan ta mas serka nos lo duna mas informashon tokante e eventonan.

Durante e lastu aña nan tras di lomba Landhuis Chobolobo a bira un di e atrakshon nan turistiko mas popular na Kòrsou, bishita pa mas ku 150 mil turista pa aña. Na Landhuis Chobolobo bo por bishita e fabrika di Curacao Liqueur i Alcolado Glacial, purba nos likùrnan, kumpra likùr i otro souvenirs den nos tienda. Tambe tin oportunidat pa desayuna i lunch na Chobolobo Café di djaluna pa djabièrne di 8or pa 5 or di atardi.

Tokante “The Genuine Curaçao Liqueur”

Curaçao Liqueur ta un “Triple Sec” premia i rekonose ront mundu. Curacao Liqueur ta wòrdu destila na 5 diferente koló inkluyendo e famoso Blue Curacao. Curacao Liqueur ta wòrdu eksporta pa Hulanda i Merka. Tambe turistanan ta kumpra e likùr komo un rekuerdo di nan bishita na Landhuis Chobolobo i nan estadia na korsou.