… Renaissance Curaçao Resort, Rif Fort i Carnaval Casino ta invitábu;…

WILLEMSTAD – Renaissance Curaçao Resort, Rif Fort i Carnaval Casino ta klá pa un biaha mas brinda pueblo di Kòrsou e grandioso kampaña “Island Xtravaganza”. Djasabra 19 di Òktober próksimo e invitashon ta bai na un i tur pa forma parti di un aktividat espektakular en konekshon ku Renaissance Curaçao Resort su kampaña “Island Xtravaganza”. Kuminsando for di 4’or di atardi tur ku bishitá Renaissance Mall i Rif Fort lo forma parti di un feria di salú i beyesa. Durante e feria lo brinda informashon i tepnan balioso pa entre otro sá kon pa apliká un bida saludabel, mantené òf desaroyá beyesa eksterno i hopi mas. Pa 6’or di atardi lo duna inisio na un show di moda na unda lo desfilá lo último den fashion. Kasnan di moda ku ta partisipá na e modeshow ta:  Armani Exchange, Maxmara, Velez, Zazou, R-Glass, The World’s Closet, Diesel, Paul & Shark, Freeport, Sunspecs i Tommy Hilfiger. E show di moda lo terminá 7’or di anochi pa asina duna inisio na e kaminata ‘Light the Night’. Tur esnan ku ke partisipá den e kaminata lo reuní na fòntein di Renaissance Mall 5:30PM pa kuminsá ku un warm up presentá pa Caribbean Fitness Professionals pa despues sigui ku e kaminata di 5KM. Despues di e kaminata un i tur ta keda invitá pa keda sosialisá i ‘cool down’ den e Cool Down After Party ku lo tuma lugar den Rif Fort i ta konta ku entretenimentu di D’Edge i DJ Ro-1. Ta bon pa menshoná ku partisipashon na e kaminata ta kosta Naf. 15.00 i for di dia 12 di Òktober te ku dia 18 di Òktober por kumpra un ‘Light the Night’ T-shirt entre 2:00pm te 8:00pm i djasabra 19 di Òktober entre 11:00AM te 6:00PM na e Renaissance Lobby. E kaminata ta na benefisio di Fundashon Sinta Ros. Ku e evento aki Renaissance Mall, Rif Fort i Carnaval Casino ta duna inisio na e kampaña ‘Island Xtravaganza’. Un i tur ku bishitá Renaissance Mall, Rif Fort i Casino pa shòp, relahá òf purba e suerte lo tin oportunidat di forma parti di e kampaña aki ku chèns di gana premionan fabuloso. Keda pendiente pa mas informashon di e kampaña ‘Island Xtravaganza’. Invitashon ta bai pa un i tur pa bin disfrutá di entre otro; feria di beyesa i salú, show di moda i kaminata ‘Light the Night’ dia 19 di Òktober próksimo durante apertura di e kampaña ‘Island Xtravaganza’.