20 persona tin chèns di gana un fenomenal ‘Gear VR’

WILLEMSTAD, Mart 2016: Samsung a bin ta revolushoná merkado últimamente; na Kòrsou tin un demanda kresiente pa telefonnan di e marka aki. Ta sigur ku fanátikonan di Samsung tabata pendiente pa e modelo di mas nobo. E Samsung S7 t’ei virtualmente; tur fanátiko di telefon Samsung por pre-registrá riba e websáit di Digicel ku chèns di risibí un ‘Gear VR’ grátis! Dia promé di Aprel ora ku sera e registrashon lo anunsiá e 20 promé personanan ku a pre-registrá, kada un lo bai kas ku un ‘Gear VR’. Ku introdukshon di e Samsung Galaxy S7/S7 EDGE Digicel ta amplia su portofolio di Samsung ku e ta ofresé i ta duna tur kliente chèns di partisipá i gana premio.

E ‘Gear VR’ ta re-definí loke un telefon ‘normal’ por hasi. Ku e ‘Gear VR’ ta sali for di e tradishonal i ta hasi un transishon pa loke futuro tin di ofresé. E eksperensia di e usuario ta keda amplifiká na diferente manera. Ora ku e usuario bisti e ‘Gear VR’, su ‘display’ ta pèrmitié un eksperensia virtual ku ángulonan horizontal hanchu ku sigur lo surpasá imaginashon. E ‘Gear VR’ di apénas 318 gram, esaki ta 19% ménos ku e modèl previo -ta funshoná ku tur telefon Galaxy; e úniko kos ku mester hasi ta konektá e telefon kuné i bo ta klá pa embarká un eksperensia virtual den bo propio realidat. Wak video i potrèt manera nunka ántes promé. Klá pa gana esun dibo?

Partisipashon ta fásil; bai riba www.digicelcuracao.com klik riba e ‘banner’ di Samsung Galaxy S7/S7 EDGE, yena e formulario i primi ‘submit’. Aplikashon pa un Samsung S7/S7 Edge ta bálido ku un Easy Digi plan (postpago) pagando 253 florin mensual, esaki ta inkluí 3GB Data, yamada ilimitá Digi pa Digi, 100 min off-net plùs 100 SMS on-net/off net ABC. E kampaña lo sera dia promé di Aprel i riba e mesun dia aki lo saka 20 ganador di un ‘Gear VR’. E promoshon aki ta únikamente bálido na Digicel.*Tin kondishonnan aplikabel.