Willemstad- Dia 2 di aprel proksimo Renovashon Karismatiko Kòrsou tei presenta pa prome bia den historia aki na Kòrsou, un konsierto di alabansa na Dios ku músika Ranchera titula” En el cielo se oye, loque en la tiera se canta”.

E konsierto uniko aki lo bai konta ku presentashon di 4 kantante, 4 bos ku lo move tur hende su kurason e anochi aki mustrando kon por kanta i alabá señor ku músika mejikano. Ekantantenan lo ta Julius Andrews kende ya un i tur sa ku ta un kantante ku músika mejikano ta su bida i e ta hasi esaki ku hopi amor i dedikashon Julius Andrews ta un dje kantantenan ku tin motibu pa alaba i yama Dios danki pa milagernan den su bida, Pastor Raul, nos pastor keri pa pueblo lo kanta tur su rancheranan e anochi aki i otro kabayero ku un bos úniko ora ta trata e genero di músika mejikano ta Eldridson “El Genio” Eugenia tambe lo tei. Por ultimo e bos femenino ku no mester di introdukshon e anochi aki lo ta e bos di Melania van der Veen. Nan tur lo keda kompaña pa e mihó mariachi di momentu, “Mariachi Dulce Despertar”

Mariachi Dulce Despertar ta un di e gruponan di marriachi mas disipliná di ultimo añanan aki i ta un di e mariachinan ku ta tresiendo e músika mejikano na un nivel haltisimo. Tur esakinan ta ingrediente pa sigurabu ku bo lo disfruta di un konsierto uniko dia 2 di aprel proksimo na Misa di Suffisant.

Karchi di entrada ta kosta fl.45,– i nan ta optenibel na Misa di Suffisant i Misa di Kwartier durante di ora di ofisina i tur otro parokianan. Tambe karchi ta optenibel na Mensings Caminada, Kas di Beibel, serka Pastor Raul i serka Melania v.d.Veen. Bin kanta bo alegria i yama Dios danki pa tur loke bo ta spera di risibi o a risibi e anochi aki. I si kisas bo tin un dolor ku niun hende no por liberabu di dje, uni bo tambe na e anochi di alabansa aki i aserka Señor pa medio di un kanto for di profundo di bo kurason pasobra ku Fe den Dje bo milager ta na kaminda.

E konsierta ta kuminsa 8 or en punto i portanan lo habri for di 7or.