Orguyoso ‘Platinum Sponsor’ di eksitoso konferensia

WILLEMSTAD, Mart 2016: Djasabra último a tuma lugar TEDxCuraçao, e konferensia a konta ku partisipashon eksitoso di un grupo eksklusivo konsistiendo di ehekutivonan, empresarionan i tur ku di un òf otro manera por a ‘haña nan mes’ den e tema “Bridging The Gap”. Durante di e konferensia e partisipante por a skucha i partisipá na diferente ‘TED Talks’ ku a wòrdu duná dor di 10 orador lokal i internashonal entre nan, Jemyma Betrian, Cheraldine Osepa, Thomas de Windt, Matt Weinstein, Kelly James, Micheal Lampe, El Sawyer i algun mas.

Digicel Business i TEDxCuraçao ta kompartí e mesun vishon di por yega na inovashon i krea oportunidatnan nobo. Di akuerdo ku representante di Digicel Business, “Nos ta kompartí e meta di e konferensia pa trese huntu esnan ku ta determiná i entusiasmá di por koutivá, inspirá i konektá. Pa Digicel Business e tema “Bridging The Gap” ta ideal mirando ku Digicel a hasi e transishon for di ta solamente un kompania di telekomunikashon pa awòki ofresé tur servisio di ICT tambe, esaki ta un ehèmpel di ‘Bridging The Gap’ den nos merkado lokal. E konsepto di TEDxCuraçao pa aserká tantu profeshonalnan lokal i internashonal p’asina atraé un grupo di hende inspirá ku mente kurioso pa konektá riba ideanan inovativo a resultá masha eksitoso.”

Digicel Business a brasa e oportunidat di traha huntu ku e organisashon di TEDxCuraçao i ‘host’ e afterparty di e konferensia ku a tuma lugá na Oliver, parti patras na The Movies na District 1850. Durante di e afterparty komo patrosinadó platina a rifa dos telefon Iphone S6 entre tur partisipante di TEDxCuraçao. Digicel Business ta felisitá e ganadornan i e organisashon di TEDxCuraçao ku un evento masha inovativo i ta spera ku tur partisipante a risibí ideanan nobo i kreativo  pa nan propio desaroyo i pa por sigui inspirá nos komunidat.