Djasabra ultimo GIORGIO DI MARE a habri su portanan den SAMBIL.

Dilanti di medionan di prensa, invitadonan i klientenan, Giorgio Di Mare a habri di forma ofisial. E kompania aki a inisiá na Catanzaro, Italia. Danki na su eksperensia den e mundu di merkado di moda, e por ofresé produktonan eksklusivo pa e hende hòmber i e hende muher. E kompania a kuminsá introdusí produkto na Italia i Spaña pa despues bai rònt mundu.

GIORGIO DI MARE ta produsí produkto garantisá i ku e reputashon mundial ku e la sa di gana for di aña 1979. For di e momentu ei e kompania a diseñá diferente liña di produkto ku un apresio grandi pa e konsumidó, sigur esun ku e pashon di Yate i evenementonan ku Polo. No solamente Yate so pero tambe tur aktividat ku ta konserní kantu di laman, deportivo i kasual.

GIORGIO DI MARE den SAMBIL ta e promé den Amérika. Esaki sigur ta duna Kòrsou un merkado nobo, sigur tambe pa e turista ku bishita Kòrsou pa hasi kompra na GIORGIO DI MARE. Un invitashon ta bai na un i tur pa pasa wak e variedat enorme ku tin na Giorgio Di Mare pa tantu hende hòmber komo hende muher, anto na preisnan ku no tin kompetensia. Sigur kalidat di paña, na kolonan ku ta resaltá i pa tur pòtmòni, Giorgio Di Mare.