Seminario Inter-Assure tokante responsabilidat komersial

WILLEMSTAD – Ta importante pa empresarionan distinguí e riesgonan komersial ku nan ta kore i konsekuentemente tambe pa nan sa kiko ta e mihó forma pa kubri nan. Riba esei djaweps dia 10 di mart Inter-Assure Insurance ta organisá un seminario na Avila Beach Hotel titulá ‘Aansprakelijkheid Uitgelegd’ ku dos orador invitá.

Inter-Assure komo kompania lokal di seguro bou di tur sirkunstansia ke tuma e interesnan di tur kliente, empleado, relashon di trabou i komunidat na konsiderashon pa por sirbi kliente di un forma profeshonal den tur asuntu di seguro. Pa un empresario for di kua gremio ku ta tin diferente riesgo ku por peligrá kontinuidat dje empresa. A resultá ku hasta profeshonalnan manera abogado, akountent, aktuario, notario i dirigentenan di empresanan, etc. na Kòrsou no ta konsiente sufisientemente di e importansia di seguro di seguridat komersial. P’esei un selekshon di e grupo di meta spesífiko aki a risibí un invitashon pa partisipá na e seminario.

Ehèmpel di den práktika

Pa yena e omishon ku a nota, dia 10 di mart mas atardi entre 15:30 or i 19:45 or Inter-Assure ta organisá huntu ku e intermediario di seguro Schouten Insurance International BV e seminario na Avila. E oradornan invitá ta Rogier van Ommeren (Gerente Business Development) i Bob Dorhout Mees (Gerente General) di Schouten. Nan lo amplia riba asuntu manera e responsabilidat profeshonal, empresarial i di dirigente. Nan lo apliká ehèmpelnan for di den práktika pa despues wak kiko por ta e mihó protekshon pa e situashonnan ei. E evento su grado di relevansia ta hopi haltu, pasobra e presentashonnan ta fiha riba sirkunstansia lokal.

Inskripshon

No tin gastu mará na e partisipashon, pero e kantidat si ta limitá. Mester inskribí di antemano. Tanten ku tin espasio esnan interesá por mèldu mandando un mail pa communicatie@inter-assure.com.