ORANJESTAD , Aruba: Aruba Soccer Academy ta un realidad, y cu 130 mucha inscribi trainingnan ta cuminsa awe diamars dia 1 di maart na Centro Deportivo Frans Figaroa na Noord cu e apertura di e academcia , unda cu U11 y U13 lo tin nan prome training.

David Abdul, kende ta encarga cu e coordinacion di e academia a anuncia cu nan ta cuminsa cu e gruponan U5, U7, U9, U11, U13 y Meisjes. Tabatin asina hopi inscripcion den e liganan U9, U11 y U13 cu mester a forma dos grupo di cada uno.

Tin algun cupo ainda disponibel den e diferente liganan, y esunnan interesa ainda por inscribi nan yiunan prome cu e trainingnan cuminsa.

Abdul a avisa tur mayor cu lo tuma contacto cu nan pa cu e uniformanan cu nan wordo entrega na tur mucha riba diadoming, dia 28 di februari entre 6or di atardi y 9’or di anochi na Fysiotherapie Praktijk Van Niel.

Aruba Soccer Academy ta gradici nan sponsor principal Medic, como tambe Cooper Tires, Interprint, Romar Trading, Barney’s, Aruba Bank y Puma pa a kere den e proyecto y haci posibel cu por cuminsa cu e academia.

Aruba Soccer Academy ta conta cu trainernan experencia y diploma, cu Conny van Niel como nan fysiotherapeut y Alwin Toppenberg como “mental coach”. E team di lidernan aki ta hopi entusiasma cu e concepto di e academia y cu e idea di por yuda y guia e muchanan den nan desaroyo.

E trainernan di Aruba Soccer Academy ta: David Abdul, Eric Abdul ( keepers trainer), Marvic Bermudez, Bruno Conceicao, Christa Illes, Alexito Sierra, Jonathan Lake y Reinhard Breinburg.