Pa yuda hasi nos parke aun mas bunita

Djarason mahinta sra. Daal I sr. Abath den representashon di Refineria Isla a hasi entrega ofisial na gerensia di nos Curaçao Zoo e animalnan artifisial ku a traha fin di aña , ku a wordu expone den e pesebre 2015 na refineria Isla, un I tur por korda kon bunita e pesebra aki tabata e aña ku a pasa, pa importalisa e obranan aki sr. Abath a hasi un petishon pa no desasi e esakinan sino mira si tin interes serka nos Zoologiko nashonal pa risibi esakinan.

Ku brasa habri gerensia di nos Curaçao Zoo a risibi e donashona bunita aki I adishonal a bin tambe un di e Olefantenan ku a desfila den Karnaval 2016 kaminda ku Refineria Isla a logra e titulo di prome finalista ku su bunita obranan.

Gerensia di Curaçao Zoo ta yama danki na e team kompleto di Refineria Isla ku ta traha realmente ku kurason pa komunidat pa e bunita gesto aki.

Na mes momento di e entrega ofisial , gerensia di Curaçao Zoo a hasi entrega di un copia di e plan mahestro na sra.Daal pa asina e team di maneho di Refineria Isla mira unda mas nan lo por aporta pa yuda ku e rekonstrukshon I modernisashon di nos parke di bestia.

Konhuntamente sr. Abath I e team di Curaçao Zoo lo remodela e animalnan artifisial pa despues ponenan den diferente area den nos Zoologiko pa e publiko bishitante disfruta di nan pa largu tempu.

Pa mas informashon bishita nos riba Facebook Curaçao Zoo & nature Reserve, of email nos na info@curacaozoo.com