A honra e campaña di “Happy Meal Books” di McDonald’s
ORANJESTAD, Aruba – 21 di februari 2016: Arcos Dorados recientemente a gana e premio di “Communication Director Magazine Latin America Excellence in Communications” den e responsabilidad tanto social como corporativo den e categoria di e campaña di “McHappy Meal Books” cu a encurasha e desaroyo di lesamento den e muchanan. E “Latin America Excellence in Communications Awards” ta honra logronan cu a resalta den e area di relacionnan publico y comunicacion. Communication Director Magazine, un revista cu tin un enfoke Europeo pa comunicacion corporativo, relacion publico y asunto publico, a celebra e logro di e comunicacion profesional pa e di nuebe aña. Como cu e sectornan aki a conoce un crecemento rapido globalmente den e ultimo añanan, Comunication Director Magazine a hiba e “Excellence Awards” mas leu cu e base Europeo, introduciendo e premio den Latino America, Asia Pacifico, Africa y Norte America pa e campaña di comunicacion teni den aña 2015.
Lo entrega e premio na Arcos Dorados na luna di April den un ceremonia cu lo tuma luga na Rio de Janeiro, Brazil unda e compania lo tin oportunidad pa comparti e detayenan di e campaña memey di gruponan di profesionalnan y expertonan di comunicacion. Arcos Dorados, e frankisia di McDonald’s mas grandi na mundo, cu ta maneha e marca den Latino America y Caribe, a lansa un proyecto di largo plaso pa impacta e muchanan den mas di 20 pais y ta contribui na desaroyo educativo di e generacion nobo. Meta ta pa stimula lesamento den diferente forma, cu lesamento lo pasa pa momentonan pa comparti den famia y nan circulo social y ta extende na tur area den bida di e clientenan.
Localmente, e muchanan di Aruba a disfruta di e Happy Meal Books cu cuater tema original cu ta representa e caracteristicanan di McDonald’s incluyendo Paddington, Clark the Shark, Pete the Cat, y Happy Valentine’s day, Mouse! – tur ta hopi reconoci pa tur mucha tanto mucha homber como mucha muhe rond di edadnan cu ta cumpra Happy Meal. Pa aña 2016 durante e lansamento di e bukinan unda cu Edseline Figaroa y Liliana Rasmijn tabata un partner y a haci e dia masha special door di a lesa un di e bukinan pa e muchanan na McDonald’s Palm Beach.
“McDonald’s su Happy Meal Books ta representa e compromiso di e compania pa haci e muchanan mas feliz y pa inspira e muchanan den un manera placentero y saludabel pa siña di nutricion y compromete nan mes den un forma activo pa lesa mas”, Daniel Schleiniger, Senior Director Corporate Communications and investor Relations di Arcos Dorados a bisa. “Ora ta trata di mucha, nos ta haci nos maximo esfuerso pa tin e miho reputacion como un restaurant familiar y clientenan corporativo”, Schleiniger a agrega.