KRALENDIJK – 23 di febrüari 2016: Resientemente e tim di RBC Business Banking – den un tanda largu di seminario pa duna konseho i pa nètwèrk – a organisá un almuerso. Ku esaki e banko ke ekspresá su apresio pa su klientenan nobo na Boneiru i alabes gradisí nan pa e negoshi ku nan ta hasi na e banko. E evenemento a tuma lugá dia 19 di febrüari. Esaki tabata e di shete biaha ku Russell Kopke, RBC Area Vice President Business Banking pa Kòrsou i Boneiru, a bishita Boneiru. Kopke a hasi uso di e oportunidat aki pa sera konosí ku klientenan ku resientemente a forma parti di e famia di RBC, bishitá nan ofisina i gradisí nan pa e oportunidat pa hasi negoshi ku RBC.

Esaki alabes tabata un bon oportunidat pa Shirley Statia-Everts, Relationship Manager Business Banking na RBC Boneiru, pa konosé diferente kliente importante den un setting diferente. “Nos tei pa sirbi tur negoshi riba nos isla. Na RBC nos enfoke ta pa krese huntu ku nos kliente – nan éksito ta nos éksito,” asina Statia-Everts a duna di konosé. Tambe presente na e evenemento di RBC tabata Verna Silberie (CSR Business Services RBC in Bonaire) i Renance Rodriguez (Branch Manager RBC Bonaire).

E enfoke di RBC Business Banking ta pa duna e kliente konseho i servisionan eksepshonal dor di ofresé un eksperiensia diferente i e kliente a reakshoná positivo riba esaki. E tim di Business Banking tambe a gradisí su klientenan pa nan sosten i pa konfia RBC pa satisfasé nan nesisidat riba tereno di servisio finansiero. RBC continues to help clients thrive and communities prosper.