Djasabra 26 di mart e 2 finalistanan, Sophie Torres (Ganadó Strea Chikí 2015) huntu ku Roxenia Rozal (Finalista Strea Chikí 2015) lo representá Kòrsou na Interscholastic International Idols na St. Maarten. Riba e fotonan por tuma nota di e 2 finalistanan Sophie Torres i Roxenia Rozal.

Strea Chikí Kiddi ke informá mesora ku den luna di mart oudishonnan lo kuminsá pa Strea Chikí 2016. Formularionan pa partisipá ta optenibel na Biblioteka, Xerox i Zero Gravity. Muchanan por inskribí te ku djasabra 12 di mart.

Oudishonnan pa Dennis Aalse Youth Orchestra

 Djasabra 16 di aprel, di 10:00 – 14:00, lo tin oudishon na Biblioteka Nashonal pa tur mucha ku ta deseá di djòin e Orkesta Musikal di mucha/hóben, Dennis Aalse Youth Orchestra. Inskripshon ta sera dia 12 di aprel. Pa mas info of pa inskribí por mail nos na audition4dayo@gmail.com of por yama tel: 526-5252 of tel: 529-3999