Como regalo pa Dia di San Valentin
ORANJESTAD, Aruba – 22 di februari 2016: Crown, e mega tienda di mueble y aparatonan electrico y electronico, pa Dia di San Balentin a rifa un otro tremendo premio via su pagina di Facebook. E regalo e biaha aki tabata un corchon y pa participa tabata hopi facil. Crown a pidi pa esun cu kier a participa pa gana e corchon simplemente manda un potret di su mes cu su pareha riba cama.
For di tur e reaccionnan cu Crown a ricibi, Priscilla Antizia Ridderstap y su pareha a bira e feliz ganadonan di e corchon nobo nobo. Nan a ricibi nan premio for na e tienda di Crown situa riba L.G. Smith Boulevard. Pabien Priscilla!
Desde cu Crown a habri su portanan na Aruba, e tiendanan ta bon bishita y ta hopi activo cu campañanan excelente riba compra nan cash y compra nan riba credito. Ofreciendo marcanan renombra, credito facil y e servicio di mas amabel, Crown a conkista e mercado na Aruba.
E campañanan di Crown riba nan pagina di Facebook ta unico pa Aruba y a resulta hopi popular. E participante no tin mester di haci un compra pa participa, pero simplemente “like” e pagina y sigui e instruccionnan di e campaña, sea cu e ta “Like & Share” of ta contene un tarea manera traha algo relaciona na e temporada – manera un headpiece pa Carnaval of saca un potret di un topico specifico. “Like” e pagina di Facebook di Crown, check nan campaña di mas nobo y participa. Abo por ta e siguiente ganado!
Crown Furniture & Electronics a habri na Aruba na aña 2004 y te cu awor a sirbi riba 60 mil cliente den e ultimo añanan. Desde aña 2014 nan ta brindando mas y miho servicio den e edificio nobo, moderno y grandi situa riba L.G. Smith Boulevard, di dialuna pa diasabra entre 9’or di mainta te cu 8’or di anochi, mientras cu riba diadomingo e ta habri di 10or di mainta pa 2or di merdia. Crown Furniture & Electronics, cu tin un sucursal mas den Steenweg na Oranjestad, ta masha popular pa su formula di duna 25% di descuento riba compra cash, espacio pa paga den 6 luna sin interes y sino un posibilidad pa paga den 24 luna di tempo.