…Ku posibilidat di 100% finansiamentu …

WILLEMSTAD- febrüari 2016:  Djasabra awor dia 20 di febrüari ‘Eigen Woning Plan’ tin un dia abrí na e proyekto di bibienda ‘Acropolis’. Banco di Caribe ta invitabo pa bishitá e proyekto for di 9’or di mainta te 2’or di atardi. Klientenan eksistente i nobo di Banco di Caribe por atmirá e kasnan di ‘Acropolis’ i risibí informashon i konseho tokante di hipoteka.  

E proyekto di bibienda ‘Acropolis’ ta konsistí di 84 kas nobo ubiká na Montaña Abou. Por skohe for di 5 diferente modelo di kas ku sea 2 òf 3 kamber. Preisnan di kas den ‘Acropolis’ ta varia di ANG.159.000.00 pa ANG.307.400.00. Si semper bo tabata deseá di tin un kas propio, esaki ta un ekselente oportunidat! Bishitá e dia abrí djasabra awor, kana orientá i hasi tur pregunta ku por yudabo realisá e soño di tin bo propio kas. Pa mas informashon tokante e dia abrí na ‘Acropolis’ por bishitá e wepsáit www.eigenwoningplan.com. Pa tur sobrá detaye tokante hipoteka, por bishitá www.bancodicaribe.com òf yama Banco di Caribe na telefon 432 3200.

Pa hasi un kalkulashon di un hipoteka spesífiko e kliente mester bini ku su último 2 slepnan di salario i identifikashon bálido. Den kaso ku bo no ta kliente di Banco di Caribe ainda mester trese e dos último estadonan di kuenta tambe.