Cu bataya entre tres banda Cu sosten di Balashi Chill y Garage Cordia

ORANJESTAD , Aruba 18 februari 2016 : Da Silva Racing, den celebracion di nan di 25 aña di existencia, ta organisando un fiesta grandi cu ta hiba e nomber di Seduction Purple Edition, cu lo tuma luga dia 4 di Maart, den Renaissance Convention Center. Esaki lo ta un fiesta bailabel cu tres banda grandi, cualnan ta D’licious, Buleria y for di Corsou, Gentz .Tin cu remarca cu nunca e tres bandanan aki a topa otro riba un solo anochi. Asina ta, ta un bataya grandi lo bay tin entre nan tres. Lo bay tin mesanan VIP y lo regala na e prome 15 mesanan cu paga completo, un botter di Whiskey Dewars 12 aña Gratis.Lo bay tin carchinan na prebenta di 50 florin te cu dia 27 di Februari. Despues di dia 27 di Februari, entrada lo ta na balor di 60 florin.

Representante di Tropical Bottling, como un di e sponsornan principal di e evento, esta Willeke Kok, a comenta cu tur aña Da Silva Racing tey pa Tropical Bottling durante Hebbe Hebbe como un tremendo organisacion e aña aki. Awor aki kier duna bek na Da Silva Racing y t’ey pa nan tremendo fundraising. No tin cu warda pa busca bo ticket. Haya bo Dewars 12 aña ora abo cumpra bo mesa di VIP trempan por nada. Yega y laga nos haci un tremendo fiesta bailabel.

Da Silva Racing kier a gradici tur fanatico pa 25 aña largo cu a apoya organisacion y mescos ta prepara pa tur careda di Drag Race, ta prepara pa e fiesta aki, dia 4 di Maart, cual ta uno grandi. Un danki special ta bay pa Garage Cordia, cu a duna e luga pa por haci e conferencia di prensa y tambe na Chill, Tropical Bottling cu ta sostene nan. Print Shop, Elite Production, Power FM, Quick Electric, Olde Molen, Carniceria Central, Manuelito’s Sportsbar y Dark Media.