ORANJESTAD, Aruba – 17 di februari 2016: Aruba Hotel and Tourism Association A.H.A.T.A., hunto cu Aruba Tourism Authority A.T.A. y Departamento di Salubridad Publico DESPA a organisa un encuentro pa informa ampliamente riba e virus di Zika. Segun Jim Hepple, CEO di A.H.A.T.A., durante e reunion aki, a puntra e Departamento di Salubridad Publico pa provee su miembronan cu un ‘update’ riba e status di e virus di Zika, kico nan mester haci den e evento si cualkier persona lo a haya esaki. Tambe e parti importante riba e control di sangura en general y loke nos tin cu haci hunto pa controla criadero di  sangura cu ta transmiti e virus di entre otro Zika..

E miembronan a wordo provee cu updatenan facil di loke e instancianan menciona ta haciendo, con nan ta trahando cu prensa internacional y e mercado internacional di biahe. E cos importante ta cu tur hende a compronde cu mester tin un mensahe consistente. E mensahe cu Aruba ta manda pa turistanan mester ta reactivo, cu ta responde na preguntanan. Ta tene conexion cu e hotelnan pa loke ta e tipo di preguntanan cu nan ta haya for di nan huespednan pa cu e topico aki. Tambe tin cu informa e mensahe cu e huespednan mester tene precaucion y yuda nan den cualkier manera di informa nan cu nan tin cu uza repelente y e tipo di pañanan cu nan tin cu bisti.

E mensahe di e instancianan ta consistente riba e importancia di e control general di sangura cu Aruba ta hiba. Esaki ta conta pa tur e hotelnan, timeshare y tur tipo di accomodacionan cu ta wordo brinda na nos bishitantenan, pero tambe loke  e comunidad por haci pa percura eliminacion di sangura. Na un manera consistente ta mantene miembronan bon informa di inforamacionan encuanto e Zika Virus.

Departamento di Salubridad lo bisa cu si experencia e tipo di sintomanan cu ta relata na e virus, pa por fabor tuma contacto cu bo dokter di biaha., Actualmente tin posternan poni na nos aeropuerto como tambe na waf di cruceronan, informando nos bishitantenan pa ta alerta riba simptomanan manera keintura di ripiente, rash, dolor di cabez, dolor di weso, dolor di wowo, of tosamento. Si nan sinti esaki, pa nan tuma contacto cu e dokter di hotel of un persona cu por yuda riba tereno medico.