Specialmente pa temporada di cuaresma
ORANJESTAD, Aruba – Februari 2016: Pa e temporada aki di cuaresma, McDonald’s Aruba ta amplia su menu cu un opcion mas, e sandwich “Premium Fish”. E pisca uza den e sandwich aki ta 100% natural, pisca na Alaska Pollock door di un compania di piscaderia cu ta sostene McDonald’s y ta duna e smaak y calidad cu e cliente ta spera.
E sandwich ta consisti di 3oz. di filet di pisca, lechuga, saus di tartar, American Cheese y e pan sesame. Por disfruta e pan su so of combina cu un McCombo cu e batata mundialmente conoci y algo di bebe. Clientenan tin e opcion tambe pa un ‘side salad’ cu solamente 20 caloria cu por combina cu e Premium Fish Sandwich of cu cualkier otro combo como un alternativa pa e batata.
“Uzando e pisca natural di Alaska Pollock pa nos Premium Fish Sandwich na McDonald’s, ta wordo 100% sosteni pa piscadonan certifica di Marine Stewardship Council. Pisca cu ta sostenibel ta importante pa nos paso e ta yuda nos pa proteha nos lama”, asina Sulina Vrolijk , Operations Supervisor di Arcos Dorados Aruba a duna di conoce.
Pa mas informacion tocante di McDonald’s por bishita http://www.mcdonaldsdwi.com of ‘Like’ nan pagina di Facebook McDonald’s Curacao & Aruba of por sigui nan riba e cuenta di Twitter – @McDonalds_CA.
Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.
E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia. Arcos Dorados, cu ta negocia riba New York Stock Exchange (NYSE: ARCO), ta reconoci como un di e miho companianan pa traha p’e den Latino America. Pa mas informacion tocante di e compania, bishita e seccion di inversionista di e website: www.arcosdorados.com/ir.