ORANJESTAD ,Aruba 15 februari 2016 : A keda demostra cu Da Silva Racing y su fundado, Mouse da Silva, ta fiel fanaticonan di Toyota y Garage Cordia, cu su team di Toyota y Lexus, ta sumamente orguyoso pa para tras di nan. Di parti di Garace Cordia, ta wak cu coredonan di Toyota ta fanaticonan asina grandi. Claramente Garage Cordia ta haci su aporte den yud’e cu e promocion di e tremendo fiesta, Purple Seduction, como un tremendo fundraising. Da Silva Racing a brand su Hiace Toyota van full na diseno di Toyota y Garace Cordia y di nan banda Garage Cordia ta para duro duro su tras e promocion pa loke ta e evento cu lo tuma luga dia 4 di Maart, den Renaissance Convention Center.

Pa 2015 Da Silva Racing a participa den dos careda y nan mes a bay final. Pa loke ta e careda di diasabra awo, lo bay tin e prome streetlegal. Si tur cos bay bon, e yiu muhe di Mouse da Silva, di Da Silva Racing, lo bay competi cu su scooter. Su sobrino ta core hunto cu da Silva mes den Pro Bike. 

E futuro di Drag Racing ta hopi bin entre hubentud. Vooral Streetlegal hopi scooter ta coriendo. Bo ta haya den 70 coredo, entre quad y scooter y Tur ta core hunto, el a enfatisa.

Awor tin cu wak diasabra awo cu ta e prome careda, con esaki lo bay inicia. Da Silva Racing tin un pro bike na Merca actualmente. Plan grandi tey, pero no kier duna e baby un nomber, pero e plan ta pa core na Kingsville, cual competencia lo cay net riba dia di Himon y Bandera. Esey ta e prome careda di Pro Bike di NHRA. Da Silva Racing ta bay ta eynan y esaki ta hopi importante pa pais Aruba. Ta prome biaha cu un Pro Bike di Aruba lo participa den NHRA. E prome miho 16nan so ta core den e careda aki contra e grandinan. 

Sigur aña 2016 ta bay ta un aña grandi pa Da Silva Racing y alabes celebrando 25 aña di existencia.