Pa di tres aña konsekutivo Radio Mas 99 ta organisá su grandioso Tour De Mas, esaki ta parti 3 pues. Un idea ku a nase despues di varios aña ku no tabatin un paseo di baiskel, despues ku Bragas a soru pa un paseo grandioso un par di aña pasa ku tambe a dal masha duru mes. A keda un bashí pa loke un paseo asinaki, kaminda mama, tata I yu huntu por disfruta riba un diadumingu riba kareteranan di Korsou. Animashon ta bai ta na enkargo di Gio Fuertisimo ku ta e banda di kas di Radio Mas I Tune, banda di esey lo bai tin repeater tambe pa soru pa mas muzik posibel. E paseo ta primintí di bira algu grandi atrobe debí ku karchi a kaba I no ta druk mas, pues Korsou por ta sigur di un espektákulo enorme ku lo pasa den kayanan di Korsou ku yen di ambiente. Lo bai tin manera anterior un grupo grandi para kantu di kaminda I esaki lo duna tur siklista mas animo pa sigi trapa. Aparte ku e ta un paseo pa pasa dushi e ta bon pa kondishon tambe I e ta duna un empuhe pa e siklista sigui usa su baiskel pa kondishon hinter aña. Nos kier pa pidi tur hende, tantu e siklista komo e publiko pa sali kas ku un bon humor pa gosa so, no susha kayanan di Korsou, bai ku bo saku di sushi I piki tur loke ba usa I bai kune, ya kayanan ta keda mas limpi posibel, komo un bon yu di Korsou. Pa e siklistanan prinsipalmente e hobenan korda kore I tene kuenta ku tin mas siklista ta kore huntu ku bo, no ta unikamente abo so, pues no bai hasi kenshi, hòp, kore pega ku e trailer of laga e trailer trek bo, esaki ta estriktamente prohibí, lo tin hende pa paga tinu riba esakinan tambe. Ta esnan ku un t-shirt di Radio Mas so por ta den e Tour de Mas 3 aki, lo tin hende pa kontrola esey tambe. Nos kier a gradisí na prome lugá Tata Todopoderoso ku semper bai ta guia nos den bon direkshon pa tur kos tin éksito I nos sponsor prinsipal ku ta Manrique Capriles & sons ku su produktonan di kalidat Del Monte, Listerine, Splenda, Celestial I Neutrogena. Tambe nos kier a gradisi Funmiles ku ta kumpliendo 15 aña, Centrum Supermarket, Digicel, Kusters Trading ku su awa Aqua, Hector Henriquez ku a soru pa nos haña chukulati Snickers, Mars I diferente produkto mas, Sorefan trading pa meneitos, Bo Frei Agencies Frito Lay I juice Tropical Delight I diferente produkto mas, El Consolador, Licores Maduro, Distribier, Cirilio Chirino Ballpark , Hello Ice I Vista Bike ku semper a hinka su schouder kompleto bou di e proyekto aki for di dia el a kuminsa. Mama Clothilde ta un amor. By the way Vista Bike lo bai tey durante di e ruta pa drecha desperfektonan chikí ku por presenta. I last but not least nos kier a gradisi Julissa Daantje di Stepping Stone ku tabatin masha pasenshi mes for di dia e idea aki a nase, e a soru pa diseño di tur kos I nan realisashon. Radio Mas 99 kier a gradisí tur kolega manera semper, semper nos por konta ku boso, paso ta un team nos ta I nos ta keda. Awor ta keda na Pueblo di Korsou ban gosa I selebrá ku bo Mas 99 en grande, bati man pa nos ora nos pasa, e ta yena nos ku ánimo I kòrda ku ora Tour de Mas yega Wishi I Marchena ta dòbel selebrashon ta bai tin debí ku ta dia di Wishi I Marchena tambe. E ta na kaminda gosa di dje ta di bo  e ta: TOUR DE MAS PARTI 3 !!