ORANJESTAD, Aruba – 11 di februari 2016: Digicel tabata presente den gran forma durante celebracion di carnaval 62. E compania di comunicacion mobil cu mas ta creciendo na Aruba y den Caribe a presenta cu un roadpiece y dos bailarina, kendenan a ricibi masha apoyo y aplauso di publico canto di caminda tanto na Oranjestad como na San Nicolas.

Digicel a forma parti di e seccion di apertura di Champagne Carnival Group. Siendo e compania di celular cu semper a sostene cultura di nos isla, Digicel no por a keda for di nos carnaval e aña aki atrobe. Asina mes y pa mustra e aprecio di Digicel pa pueblo di Aruba  su ekipo di promocion a regala brilnan di solo, mini fans y serbete.

Sin duda cu e red mas grandi  y lihe di Digicel a percura pa tanto e participantenan como e publico por a sigui comunica durante carnaval, sea ta yamando of mandando mensahe y potret via nan pakete di data.