For di masashi pa regalo te na brunch of dinner

Oranjestad- Februari 2016- Renaissance Aruba tin e dia perfecto planea pa abo y esun cu bo ta stima. Renaissance Aruba ta e miho opcion pa celebra Dia di San Valentino. For di mainta trempan e team profecional di Okeanos Spa ta yamabo bon bini pa asina boso dos por disfruta di varios opcion di masashi, entre otro e ‘Cove Couple Massage’ ariba Renaissance Island cu ta un special pa pareha y ta inclui un ‘day pass’ of e ‘Chocolate Couple Massage’ di 50 minuut cu ta inclui un glas di champaña. Tambe ta recomenda e Aroma Couple Massage, Valentine’s Body wrap, Couple Hanakasumi Body Exfoliation Massage y e diferente facialnan. Tur promocion, cu excepcion di e ‘Cove Couple Massage’ ta valido te cu 29 di februari. Pa mas informacion di Okeanos Spa su specialnan riba dia di San Valentino por yama 5236176.

Despues di un massage, por cana shop na Renaissance Mall of Renaissance Marketplace. No lubida, cu cada compra di 50 florin of mas por participa pa gana premionan atractivo manera Weekendstay, gift certificate di 1,000 florin y hopi otro premio mas. ‘Love is in the Air na Renaissance’. Na e di dos piso, Aquarius tin su Valentine brunch for di 12’or di merdia pa unicamente $32,95 pa persona. Muchanan entre 5 cu 12 aña ta come pa mitar di preis. Pa reservacion por yama 5236156.

Pa dinner Renaissance Aruba tin multiple opcion. Por haci mencion di L.G. Smith’s Steak & Chop House  cu tin un ‘3 course menu’ pa 2 cu ta inclui un Valentine’s cocktail. Un excelente dinner acompaña pa musica di Live Expressions pa unicamente $109 pa pareha excluyendo 15% service charge. E Valentine’s menu aki ta valido ariba 12,13 y 14 di Februari. Tambe tin, un cena romantico ariba beach na Renaissance Ocean Suites experenciando un bahada di solo excepcional. Un ‘4 course dinner’ acompaña pa un boter di Möet Chandon y un rosa pa e dama, esaki ta $169 pa pareha. E oferta aki ta valido solamente ariba 14 di Februari. Pa reservacion por yama 5236115. Finalmente, dinner na Aquarius pa unicamente $44,95 pa persona.