Despues di un periodo di preparashon interno intensivo, Fundashon Kultural Seú Kòrsou a habri porta di su Sededia 1 di febrüari último na Klub di Shell, Suffisant. E mes un lugá ku aña pasá. Den e kuadro aki Fundashon ta supliká tur Lider di Grupo pa pasa lo ántes posibel na Sede pa risibí e listanan tradishonal  di:1.Inskripshon di Grupo. 2.Totalidat di Partisipante na  Marcha Seú 2016. 3.Partisipashon na Elekshon Reina Seú. 4.Reglanan di  Trahe di Seú 5.Programa di Festival di Seú 2016. Den e kuadro aki ta bon pa suprayá ku manera semper, tempu ta ekstremadamente korto i e aña aki mas ku nunka! Pues, Marcha di Seú Mayó ta den kurpa i ta tuma luga riba djaluna 28 di mart benidero kaba. Den e kuadro aki nos ta urgi tur lider pa aktua pro-aktivo! Sede ta alkansabel via telefon: 888.0603/888.0613/888.0625, miéntras ku imeil di Fundashon Seú ta: fundashonseukorsou@gmail.com. Nos ta supliká tur Grupo ku últimamente a haña nan adrès di i-mail, pa manda esaki mas lihé posibel pa Fundashon. Igualmente nos ta supliká Lider di Gruponan Nobo, pa hasi uso di e numbernan menshoná pa mas rápido posibel palabrá un sita pa informashon. Terminando, Fundashon Seú ta pidi tur Lider pa keda pendiente pa e reunion general tradishonal ku pronto lo keda yamá. E lema di Festival di Seú 2016 ta: “Simia bon plantá, ta Kosecha Sigurá”. Un boka bisa otro!

Pacheco Domacassé

(Presidente Fundashon Seú)

Tel: 512.0084