Maikel Angela, Alfred Hungtington y Janice St. Jago a gana 450 florin cash! Theo Geerman a gana 1000 florin

ORANJESTAD, Aruba – Februari 2016: Cerbes Balashi a habri aña 2016 cu un explosion di premio cash. Como cu e temporada di Carnaval 62 ta relativamente cortico, Cerbes Balashi a scoge pa ofrece tur cliente un campaña espectacular y diferente compara cu otro añanan.

“Gana Placa Cash cu Balashi” ta conta cu participacion di 20 supermercado rond Aruba, unda cu e team di Cerbes Balashi lo pone drama cu nan bishitanan sorpresa. Riba cualkier dia di siman, na cualkier momento y sin avisa prome, e team di Balashi ta bishita un supermercado pa saca for di e tombola na e supermercado sorpresa un nomber. Esaki kiermen cu si abo tambe ta participa, bo yamada ganado di e team di Cerbes Balashi por bin na cualkier momento.

E ganado ta ricibi sea un di 5 premionan di 450 florin cash of e premio grandi di siman, esta Afl. 1000 cash. Simplemente e cliente ta tuma su recibo cu ta specifica si el a cumpra un six-pack of un caha di Cerbes Balashi, e ta skirbi su nomber y su number di telefon tras di e recibo y e ta deposita esaki den e caha special di e campaña “Gana Placa Cash cu Balashi”.

Diahuebs ultimo, dia 28 di Januari, den Balashi Beer Garden a saca e ganadonan di e campaña. E ganadonan ta Maikel Angela, Alfred Hungtington y Janice St. Jago, tur tres a gana premio cash di 450 florin y como ganado di e premio grandi di 1000 florin tabata Theo Geerman.

Palabra di pabien ta bay pa e ganadonan y ta desea nan feliz ultimo weekend di carnaval, hunto cu nan cerbes faborito, Balashi.