…tres siman ku hopi premio i amor riba ret sosial…

WILLEMSTAD – Yanüari 2016 –Renaissance Mall & Rif Fort ta invitá pueblo di Kòrsou kompletu pa kompartí amor riba ret sosial ku su ‘like & share’ kampaña riba Facebook dediká na Dia di San Valentino. Durante tres siman konsekutivo Renaissance Mall & Rif Fort lo rifa premionan atraktivo pa tur esnan ku ‘like’ su paginá di Facebook i ‘share’ e promoshon di e kampaña. Durante e promé dos simannan lo saka 5 ganador tur siman, total 10 ganador durante e promé dos simannan. Pa e último siman lo saka 1 ganador ku ta bai ku tur e premionan di siman.  

Total, Renaissance Mall & Rif Fort lo hasi 11 persona kontentu ku premionan fabuloso! Entre e premionan lo tin sena pa 2 na Restorante Di Zabbia, The Royal Dutch Cheesery i Infinity Beach Club. Un di e premionan ku sigur lo hala hopi atenshon ta e hanger di oro konfekshona ku diamantenan blou ku blanku di Colombian Emeralds. Ademas di tur esaki lo tin diferente bale di Zazou, Penha, CurAloe i regalonan di Armani Exchange i Jewelines. Tur premio di establesimentunan di primera kalidat di Renaissance Mall & Rif Fort. E kampaña aki lo ta válido te ku dia 12 di febrüari próksimo.

Dianan di sorteo pa e kampaña di ‘Like & Share’ ta 29 di yanüari, 5 di febrüari i 12 di febrüari. Ganadornan lo wòrdu anunsiá riba e paginá di Facebook di Renaissance Mall & Rif Fort i den korantnan lokal. Ta bon pa menshoná ku siguiendo e paginá di Facebook di Renaissance Mall & Rif Fort bo ta keda na altura di tur loke e establesimentunan i restorantnan ta ofresé. Ademas di esaki ta anunsiá tur promoshon i eventonan spesial. Bishitá e paginá di Facebook di Renaissance Mall & Rif Fort i tuma nota di e kampaña pa bo tambe bira un felis ganador di e premionan pa dia di San Valentino.