Ricibi un koffie gratis diasabra awor!

ORANJESTAD – Januari 2016 – Starbucks Aruba ta celebra ‘National Croissant Day’ ofreciendo koffie gratis na tur su clientenan. Sigur lo bo no a imagina bo mes cu ta existi un dia na unda ta celebra e delicia aki. Ta bon pa bo sa cu ‘Croissant Day’ ta keda celebra tur aña riba 30 di januari y e ‘croissant’ mes ta data for di aña 1683. Ken no gusta un dushi ‘croissant’? Bros di pafo, moli di paden y cu un smaak  ‘buttery’ autentico. E mansa aki hopi ‘light’ traha den forma di un luna creciente a bira un delicia cu rond mundo ta ser gusta.  Enconexion cu e celebracion di ‘National Croissant Day’, Starbucks ta ofrece cu cada compra di un ‘croissant’, un ‘tall brewed’ koffie di dia completamente gratis. Bishita Starbucks diasabra awor y disfruta di un desayuno acompaña pa un croissant y scoge entre e dos opcionnan di koffie di dia.

E oferta aki ta valido unicamente ariba diasabra 30 di januari 2016 na Starbucks Renaissance Mall, Marketplace y Paseo Herencia. Disfruta di bo ‘croissant’ diasabra awor cu aun mas motibo! Starbucks ta invitabo pa ‘Like’ nan pagina di Facebook y keda na altura di tur promocion y accion special.